من لاحكم نفسه عن الميل والغي

[الطائر المهاجر]

من لاحكم نفسه عن الميل والغي = بالعقل والحكمه ودين بقناعه
تاخذه لْدروبٍ طويله بلا ضي = وفي الخاتمه يسقط من اعلا ارتفاعه
ومن طقّ باب الناس في غفلة الحي= ينطقّ بابه جهر بأيات ساعه
ومن خادع لغيره خدع قلبه العي= فحبل المكر لو طال سهل انقطاعه
مالي بدرب الغي رفقه ولا خي= ولا صديقٍ او قريب وجماعه
ماني من اللي يختبص لاسمع مي= ولا ني من اللي ينخدع بالإشاعه
ومن لامشى درب النقاء مااحسبه شي = مالي بمثله لو رجيت انتفاعه
مجلسه عار ولو بدا لي كما الفي = وحتى ولو سوّق جميل البضاعه
من لاعدل ميله فيستاهل الكي= ماهوب رجل ولا يشرّف سماعه
واللي يدور عن براغيث في المي= فالبحر واسع فيه يلقى ضياعه
اقسمت باللي يخرج الميت من حي= لاطهر المجلس بعزم وشجاعه

[عمر ال شيبي]

حكم وربي حكم

لا هنت

صح لسانك مليون المليون

[ترانيم المطر]

الله

الله

الله عليك يا دكتورنا

إبداع متجدد

جزاله في اللفظ

سبك وحبك

ولي شرف المصافحه

دمت ودام تميزك

تقبل تحيتي

[الجفول]

الله عليك

صح اللسان وجاد البيان

حكم رائعه في سبك شعري جميل

ابدعت وامتعت

صح لسانك ملايين


تحيات الجفول

[(ابو ريم)]

الله الله ماشاءالله تبارك الله مبدع .....
صح لسانك يادكتورنا .

[عيدالماجد]

انا اشهد انك صدقت ياابو عبدالله تقبل تحياتي

[نجم الإبداع]

صح لسانك يابو عبدالله

حكمه وجزاله

لاهنت

تقبل مروري

وتقديري

[زهرة اللوتس]

قصيدة شامخة بكل معانيها
حروفها أورقت بالقلب
وأينعت بالعقل

دمت شامخا


زهرة

[حي الضمير]

ابدعت ياشاعر الحكمة
وعواااايدك ياجزل
ومليار صح لسانك يابوعبدالله

[منيع]

لاطـهـر المجـلـس بـعـزم وشـجـاعـه

كفو والله
ابيات في غاية الروعه والابداع
ولام الله من لامك
تحياتي لكم