|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
الأفاضل والفاضلات اهديكم هذه الابيات واتمنى ان تحوز على رضاكم :
طاب الكرى للي على قلبه حجاب = عن جايرات اْظروف وقته وغيبه ينام خال البال مافز منصاب = ماكدره بالوقت همٍ وريبــه اصفى من الصافي زمانه ولا شاب = جوه من اللي قدمنْ له مشيبه شيبٍ شوابيبٍ بأشابيب الانشاب = شبن واشابن باللشبايب شبيبه الا.. خلي البال مالف (ن) ولا ناب = قلبه من اسباب الزمان المنيبه يرفل بهندام الترف كل ماهاب = دربٍ بدا له عنه دربٍ رضي به واختار من مالذ وقته وماطاب= وانعم برغد العيش ناسٍْْ ربيبه اللي مثل ماقيل يسفه اليا شاب = رجالهم والمال ماينصخي به عبٌباد للدرهم وصاروا له ارباب = واستانسوا بديار نجد العريبه واكبر خطاء صرنا اْنقلد للأذناب = نتبع عوايدهم وندفع ضريبه لين الفتى منا ترفه ولا عاب= الا.. رفاه الغنج نقص ومعيبه اللي له الترفيه من عاج الارقاب= يمه وكن البدر وسط التريبه لاشع وسط الكون ليل الدجى غاب= واجلى غياهيب الحياة الرتيبه المترفات بكل زاهيٍ وجذاب= غيدٍ غياهن من غواه ايغدي به الفارهات الحور خوخٍ وعنّـاب = بخدودهن واشفيهن شفني به غروٍ يغارن منه وغراهن اعجاب=يمتاز فيما حاز عما ادعي به اصل وفصل والقد نبنوب سيّاب = زمرد وياقوت ماسٍ قضيبه وسود مكاسيلٍ بها شلف واحراب = صفيّن جند وهند واخرى رقيبه تلمع محاجرهن تحت خدر الاهداب = لاسلهمت عكشٍ تشابك عجيبه او لج لجن باطرافهن سحر الألباب= برقٍ تكاشف حدر مزنٍ مغيبه من فوق وجناتن بها الدم ينساب = خدٍ جمع ليلٍ وصبحٍ وهيبه والخاتم الياقوت يلمع به ارضاب= سكر نبات ولول فاهٍ فهي به يلهي ويشقي خافقٍ ما بعد تاب = او تاب..واسهى واستلبن لبيبه للعين سهمٍ واتلع الجيد نهـّاب= والموت بسهوم العذارى اْمصيبه مراتعٍ فيها الفنى دون طلاب = من مات فيها مايعزى قريبه واخلاف ذا.. يفترّ بالصدر دولاب=روابع(ن)تندار مما العي به لاع ن يفج الجوف لاادلى بمخلاب= حرٍ مزع خفاق جاش الطليبه واسهي وكني زاهدٍ وسط محراب = يرجي عظيم الشان ربي يثيبه مما لجى بين المعاليق مرتاب= هو ذنب. والاحظ. .. ولا ادعي به علي .. يامن للغواليب غلاب=رحماك مابالقلب خفف لهيـبه همٍ غدى لـ معقد الوقت كرّاب = صاب الصميم وكل عرقن اكوي به مع ما دهاه افراق غالين واحباب=الغيض خلا اضلوع صدري حطيبه وانتابني ضيقٍ بلا قيس واحساب = واْمع الهجوس الهوج قلبي اسري به بين اسودينٍ ماعلى غاسق الداب= شربن وهن ازود مخالب ونيبه وافٍ جفاه وهم ليلن له ايـّاب = نابين سود وصايبتهن غبيبه من بينهن يضرس من الناب للناب= قلب العنا ماخفاه خطر ن يذيبه لو كان مابه في صميم الصفاء ذاب= لا شك مابالقلب ماحـدٍ دري به لين امتنى لو ماالمقابيل غيّاب= او ماحضر منهن يعجل بغيبه اللي وفاهن مالهن عنه مجناب= وش عاد لاقفن او الفن ينيــبه الا.. الهموم وليل الاحزان بواب= واللي مفاتيحه معي ذا سريـبه خلت الرجاء بابٍ وجاء للشقاء باب= والياس كم حطم اْغصونٍ رطيبه وانسقت مع بابٍ فتح بعده ابواب = ابغى النجاه وزاد جرحي طبيبه اشفق على شم النفس والهواء هاب= وكم رحلتن منها السلامه كسيبه الا ولاارضى غير ثوبي بالاثواب = والطيب سلم للجدود اقتدي به ولا ارافق الا من عريبين الانساب = رفقة شرف ماهي مصالح وغيبه غرسٍ بقى عله من الوبل سكّاب = والماء اْيعود للمصب وقليبه فأْن ماصفى ماها كما الماص صباب = والا..انثنى بالغش عودٍ اغذي به واكبر مرض من بين الاصحاب صحّاب = شك.. وشوير.. ومن تغيب و شي به والعيب كل العيب لاصرت هيّاب = للطيب ما تارد ونفسك مريبه والطيب ماكر كل طيب اليا طاب = ماهي غريبه منه هذا نصيبه كساب للعليا وللمدح كساب= يستاهل البيضاء بجوده وطيبه والا الردي لو طاب طيبه له اتعاب= نفسه دنيه والمراجل تعيبه واليا تهيت للردين الا سباب= تسبق اعجاف الجنف خطو النجيبه ..................................... =...................................... ياهيه ؟ ماني للمخاليق نبـّـاب=يفهم معان القاف من يعتني به احب راع الطيب لو هو من اجناب = واللي ايراوده الردى وش نبي به ولا ني وانا محمد بشمات الاصحاب= يلعنك يارجلٍ اْيعذرب صحيبه انا خوي اللي على الطيب درّراب = ناسٍ اْعدد طيبهم وانتخي به وهذه تحياتي مع اسمى ايات الشكر والامتنان فائق الاحترام واطيب المنى رعاكم الله آخر تعديل محمد عبدالله البدراني يوم 23-10-2008 في 03:12 AM.
|
||
![]() |
![]() |
رقم المشاركة : 2 | ||
|
والله يابو عبدالله كل قول ٍ يقال يقصر دونها
عز الله إنّك ما اغفلت بها شي اما كذا الشعر ولا بلاه يشهد الله سيطول بي المكوث هنا وقوفاً بها حتى يشاء الله صح الله لسانك وجاد بنانك ولا اعجم الله قولك ابدعت فحق لك الرضا وحقٌ علينا أن نقف إحتراماً وتبجيلاً لك ولهذه الباسقة |
||
![]() |
![]() |
رقم المشاركة : 3 | ||
|
ابيات رائعة |
||
![]() |
![]() |
رقم المشاركة : 4 | ||
|
[QUOTE=محمد عبدالله البدراني;446868]الأفاضل والفاضلات اهديكم هذه الابيات واتمنى ان تحوز على رضاكم :
طاب الكرى للي على قلبه حجاب = عن جايرات اْظروف وقته وغيبه ..................................... =...................................... ياهيه ؟ ماني للمخاليق نبـّـاب=يفهم معان القاف من يعتني به احب راع الطيب لو هو من اجناب = واللي ايراوده الردى وش نبي به ولا ني وانا محمد بشمات الاصحاب= يلعنك يارجلٍ اْيعذرب صحيبه انا خوي اللي على الطيب درّراب = ناسٍ اْعدد طيبهم وانتخي به الله الله ياجزل المعانى وارفه من القصيد استمتعت بظلها كثيرا وساعوود اكثر لله درك يا مشرفنا القدير اتشرف بتسجيل المرور بالصف الاول ومصافحه هذه الوارفه تحاتى ورد |
||
![]() |
![]() |
رقم المشاركة : 5 | ||
|
خلت الرجاء بابٍ وجاء للشقـاء بـاب = والياس كـم حطـم اْغصـونٍ رطيبـه |
||
![]() |
![]() |
رقم المشاركة : 6 | ||
|
ياهيـه ؟ مانـي للمخاليـق نـبّـابيفهم معان القـاف مـن يعتنـي بـه |
||
![]() |
![]() |
رقم المشاركة : 7 | |||
|
اقتباس:
والله مادري وش اقول لكن مرورك اسعدني اسعدك الله اينما كنت وماعليك زوووووووود يابو حمد الف الف مليون شكر لمرورك الكريم المبهج تسلم ولاخلى ولاعدم هذه تحياتي مع اسمى ايات الشكر والامتنان فائق التقدير واطيب المنى رعاك الاله |
|||
![]() |
![]() |
رقم المشاركة : 8 | ||
|
الشاعرالشامخ |
||
![]() |
![]() |
رقم المشاركة : 9 | ||
|
صح لسانك اخي الشاعر محمد |
||
![]() |
![]() |
رقم المشاركة : 10 | ||
|
![]() الا ولاارضى غيـر ثوبـي بالاثـواب والطيـب سلـم للجـدود اقتــــــدي بـه ،،،،،،،،،، واكبر مرض من بين الاصحاب صحّاب شك.. وشــــوير.. ومن تغيب و شي بـه ،،،،،،،،،،، والطيب ماكر كـل طيـب اليـا طـاب ماهـي غريبـــــــــه منـه هـذا نصيـبـه ،،،،،،،،،،، كسـاب للعلـيـا وللـمـدح كـسـاب يستاهـل البيضــــــــاء بجـوده وطيـبـه ،،،،،،،،،،،،،، والا الردي لو طاب طيبه لـه اتعـاب نفسـه دنـيـه والمـــــــــراجـل تعيـبـه ــــــــــــــــــــــــــ |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الإيمان بالله وأثره على حياة المسلم | مازن حجازي | العقيدة والحياة | 15 | 16-12-2010 06:50 AM |
سود الله وجه من قلبه حضن شر وحقاره | عبدالله الشويمان | همس القوافي للشعر النبطي | 46 | 17-08-2009 01:37 AM |
ابي لي واحد قلبه فضيخ | الطائر المهاجر | ساحة المحاورات | 49 | 24-10-2008 03:31 AM |
فيجيب والأشواك تغرس نصلها ** في قلبه : أنا دمعة الأحزان | الأشعث | منتدى الشعر والخواطر بالفصيح | 47 | 16-06-2008 07:29 PM |