الفخر للي مرضين والدينه

[احمد الجريفاني]

المـوت حـق وكلنـا ذايقينـه=
والناس كلن له ذنـوب وخطايـا =
عزيل حي(ن) شافت الموت عينه=
ينطر متى تصدق وعود المنايـا =
يعيش في جرح وعذاب وغبينـه=
روحه تعنت من ثقـال الرزايـا =
ما فيه من حوله رجالـن تعينـه=
الياس سوى في خفوقه سوايـا =
بسباب فزعاتـه توطـاه دينـه=
خانوا مقامه حاضنيـن الصنايـا =
يوم الدراهم ماليـات(ن) يدينـه=
والناس تضرب له سلام وتحايـا =
الغالي احمد مـا لقينـا وزينـه=
شيخ(ن) ولد شيخ وسليل الطنايا =
ساعة نخاهم دحدروا من عرينه=
مثل الذيوخ اللـي تشـم البقايـا =
ما للوفاء عند ارذل الناس عينه=
جيش الكرم ضحكت عليه السرايا =
الهيس واضح والمـلا عارفينـه=
لو كثر المكيـاج عنـد المرايـا =
لكن بلاك العقرب اللـي بطينـه=
تلدغ رجـول الامنيـن العرايـا =
لا جاك ابو وجهين محلا رطينـه=
صديق في وجهي عـدو بورايـا =
حلو(ن) نباه وكل قلبـه ضغينـه=
قد سجل اسمك في سجل الضحايا =
يسحرك با اسلوبه وعطفه ولينه=
واحيان يحضر لك رخاص الهدايا =
وان جاك نصح من الذي خابرينه=
تقـول ذولا ناقليـن الوشـايـا =
ما تدري انه هو خراب السفينـه=
نسيت يـوم ان النوايـا مطايـا =
لكن مادام حبال وصلـي متينـه=
مع الاله اللـي يعـرف النوايـا =
وآمنت با المكتوب زينه وشينـه=
وادركت بان الله كفيـل الرعايـا =
مالي ومال اللي يسـاره يمينـه=
مادام قلبـي ماسكتـه الحنايـا =
كل(ن) له طباعه وفكره ودينـه=
وانا لي اللي عالم(ن) با الخفايـا =
الفخر للي مرضـي(ن) والدينـه=
ولا مات تبكيه المـدن والقرايـا=

[الطائر المهاجر]

جزله من راس جزل
سلمت وصح لسانك
ولاهنت
تحيتي واحترامي

[عبدالعزيز البليهد]

لك الله يابو فراس

لله درك اخوي بوح صادق عن تجربه

صح لسانك وسلمت يالطربه

[نجم الإبداع]

الفخر للي مرضـي(ن) والدينـه

ولا مات تبكيه المـدن والقراياـ

ايو الله


صح لسانك ياحمد

مصافحه وافيه من وافي

لاهنت

تقبل مروري

وتقديري

[راااااااكان]

صح لسانك ولاهنت...................... قصيدة رائعة

[حي الضمير]

ابدعت حيل بارك الله فيك
ومدد بلا عدد صح لسااااانك

[سناعيس]

لكن مادام حبال وصلـي متينـه
مع الاله اللـي يعـرف النوايـا
وآمنت با المكتوب زينه وشينـه
وادركت بان الله كفيـل الرعايـا
مالي ومال اللي يسـاره يمينـه
مادام قلبـي ماسكتـه الحنايـا

الشاعر الجزل احمد الجريفاني
صح لسانك ولله درك
دائما متميز في الطرح
وماهذه الجزله الا اثبات على الجوده في الطرح
باسلوب شعري جميل ومدروس
لاهنت


تحياتي

[عبدالله راشد الثويني]

الشاعر المُبدع / احمد الجريفاني
صح لسانك مليون ولا يكفون
حاولت إقتباس جزء من هذه الرائعه
إلا ان الإبداع لا يقبل التجزء
تسلم يمناك على ماخطت طامعين بجديدك
تقبل وُدي

[وجدان القلوب]

صح لساااااااانك وبيض الله وجهك

لاهنت.....

[احمد الكثيري]

الموت حق وكلنا ذايقينه
ذكرتني كلمات لاحد الامراء وتقريبا
سعود بن محمد ويفول يوم دخلت البيت جيتهم يبكون
سلمت وبارك الله فيك على هذا النص الجميل