مراسلة بين زوجه وزوجها

[عبدالمحسن الرحمه]

( الزوجــــــــــــه )

عندي يا روح القلب تكفى سؤالي=وأبغي جوابه يا بعد كل غالي
سؤالي يسأل عن مكاني بقلبك=هو ثابت ٍ ولا من القلب زالي
أرجوك جاوب لا تأخر عليّه=ودي أريح يا لغلا كل بالي
فيني لهيب الشوق يحرق ضلوعي=وفيني حنين ٍ مدلهمّ الخيالي
ودي أعرف اللي بقلبك تجاهي=صادق صدوق الودّ ولا انخذالي
أشوف في وجهك تعابير حبي=وفعالك اللي وافيه ما تزالي
أعرف بأني مخطيه في حقوقك=ومقصرة بس العذر يا حلالي
بيت النبوة ما خلا من مشاكل=وفيهم رسول الله كريم الرجالي
يا زوجي الغالي ترفق بقلبي=خل الزعل وترك كثير جدالي
حقوقكم والله عظيمه عظيمه=يكفي رضاكم يرضي رب الجلالي
الصادق المصدوق وصى بحقك=وصيه ٍ فيها علوم ٍ جزالي
يا زوجي مالي يا حياتي سواكم=ارحم ضعيفة ما تنام الليالي
أرجوك لا تفسد نبات ٍ سقيته=سقيته من روح الغلا باعتدالي
أداري أزهوره وحافظ عليها=من نور فجر ٍ بان لين الزوالي

( رد الزوج )

سلام مني عدّ وبل الخيالي=وعداد ما هبت هبوب الشمالي
على شريكه ودها تعرف إني=أحبها حب ٍمتين الحبالي
تبين مني يا شريكة حياتي=أجاوبك ونتي السبب ما جرالي
أجبرتي زوجك لازم انه يعدد=يبحث عن بنيه كساها الجمالي
نبهتكم عدتّ سنين ٍ كثيرة=ما شفت منكم يا حياتي اعتدالي
الحب عندي أشربه شربة ألمي=وإذا كرهته أكرهه ما أبالي
لأكن أبصبر وارتجي خير ربي=وأعاملك بالين في كل حالي
بنسى المشاكل واتناسا خطاكم=برجي ولي الكون منشي الخيالي
أن كنت ظالم ربي ياخذ بحقك=يوم القيامة يوم عرض السؤالي
وأن كنتي أنتي الظالمة بألف حلي=بعفي عن اللي صار بأول وتالي

[عبيد دعيع القلادي]

صح السان الزوجه

وصح السان الزوج

صوت وصدى رايعين

عبد المحسن

تحياتي لك

[الطائر المهاجر]

صوت وصدى طيبه
صح لسان الزوج والزوجه
ولاهانوا
تحية وتقدير

[الطامي]

صح السان تالزوج والزوجه
رائعة جدا
لاهنت اخي

[داعي الشوق]

صح لسان الشاعر و الشاعرة

تناسق في المعنى و الموضوع

يعطيك العافية شاعرنا المميز

و صح لسانك مدد

و عساك سالم

***********

[عمر ال شيبي]

اسعد الله شفاكم
والقلب منباضه
بالحب
يا زين المشاعر
صح لسانك
لا هنت
موضوع جميل
وفكره طيبه

[منيع]

صدى وصوت في غاية الروعة والابداع
شكرا لكم
تحياتي

[الآكيد]

صوت وصدى طيبه
صح لسان الزوج والزوجه

[الطريري]

ابدعت وبالقاف امتعت
صح لسانك الف
تقبل تحياتي

[نفحات حساسة]

صح السانك،،واعتلي شانك

نص ابدعت فيه،،ولجماله اطلاله اخري

تجبرنا الي العوده لهااا

تحيتتي لجمال حرفك