العرض ينهك والعروبه تفنجل !!!

[احمد الجريفاني]

ماعـاش مـن يسكـت علـى الضيم والــذل=ولا يعجبـك شخـص(ن) بـرد حـيـل حيـلـه
(الـشـاعـر؟) الّلي لا تـاثــر تـمـثّـل=دمــه تـحـرك نـعـم ذيـــك الفصـيـلـه
اضـرب علـى الكايـد تـرى مــن نـشـد دل=ولا ضــاع منـهـو صــار قلـبـه دليـلـه
والـيـا وردت احـيـاض مــن دوّرك عِــل=تــر الـسـراب يـمـوت مــن يستخـيـلـه
وليـا قنصـت ابعـد بعـيـد(ن) عــن الـكـل=واحـذر تجـي صـيـدات قنـصـك هزيـلـه
ولا تكتب اسمك بـا الصخـر فـي قلـم (بَـل)=احـفـر حـروفـه لا يـجـي مــن يزيله
وليـا طِلِـب مـنـك الحـكـي فـكّـر وقــل=تــر الفـتـى يـكـرم لـيـا قَــلّ قـيـلـه
ولـيـا سمـعـت الـذكـر سـبّـح وهـلــل=تــر العـمـر يــا دوب يــوم(ن) وليـلـه
ولا تقـبـل الثـانـي تـمـسّـك بـــا الاول=ولا تنـتـظـر رد(ن) لـفـعـل الجـمـيـلـه
يـا نـاس انـا بِـي غـل مـا يشبهه غِــل=باالشـعـر اجـاهـد والقـصـيـده وسـيـلـه
المـوت اشوفـه يـا عـرب عـنـدي اسـهـل=مـن مـا نعيـشـه مــن حـيـاة(ن) ذليـلـه
لا ضـربـت اسرائـيـل قـمـنـا نـولــول=وعـلـى بعضـنـا كــل بـنــدق نكـيـلـه
عـلـى ا لـحـدود جـنـود تقـفـي وتـقـبـل=نبكي علـى (الصحـرا) وننسـى (مليلـه)
عـلـى بـعـض نـزعـل وبالشـتـم نـنـزل=والـكــل بـالاعــلام يـنـشـر غسـيـلـه
ولا ذكــرت النـخـوه نـقــوم انتمـلـمـل=مــا كنـنـا نـفـخـر بـسـلـم القبـيـلـه
نـشـوف اهلـنـا كــل يــوم(ن) تـقـتّـل=والـلـي نـجـا ملـعـون ابــو سلسفـيـلـه
(قونتانمو) و(غريب) (غزه) خذ وخل=والـلــي يسـاعـدهـم يـخــلاّ سـبـيـلـه
واغـتـالـوا (اليـاسـيـن )قـصــه تـفـشّـل=(ومحـمـد الــدره )شــروا لـــه فنـيـلـه
الـعِـرض ينـهـك والـعـروبـه تفـنـجـل=الـحـكـي واجـــد والحـمـيّـه قـلـيـلـه
(نرهـب بعضـنـا )ذبـحـة الطـفـل الأعــزل=فيـهـا الشـهـاده والـشــرف والفضـيـلـه
تقتـل هلـك! قـال: اقـتـل اقـرابـي اسـهـل=والـحـجـة اسـرائـيـل مايـنـقـوي لـــه
حـنـا بِــذل(ن) مــا يقارن معه ذل=قـمـة فخـرنـا بــا الـعـلـوم الـرذيـلـه

[عبدالله الدخيل]

احمد الجريفاني

صح لسانك وبارك الله فيك
قصيده جزله من جزل

واقبل
ودي واحترامي

[حوريه]

صح قلبك على ما أبدعت
دمت ودااااام نبضك
مودتي

[داعي الشوق]

على بعـض نزعـل وبالشتـم ننـزل = والكـل بالاعـلام ينـشـر غسيـلـه
ولا ذكـرت النخـوه نقـوم انتملمـل = مـا كننـا نفخـر بسـلـم القبيـلـه

............................

الله الله يا بو فراس

قصيدة وافيه و جزلة بالحيل

ايو الله اضرب على الكايد

أقديت في المعنى و المبنى

و لاهنت يا مبدع

شاعر لك حضور رائع جدا

تقديري لك و لحضورك

وصح لسانك

******************

[الراقي]

صح فكرك

صح بيانك

ودام حرفك ..

و صح لسانك

[ابو أنس]

الفاضل احمد الجريفاني..................... ....
نص جزل وجميل وقوي ومطرب
نعم اضرب على الكايد
وما يقل الحديد الا الحديد
سعدت بمصافحة نصك الجزل
تحيتي وودي

[نجم الإبداع]

صح لسانك احمد الجريفاني

ونسأل الله ان يوحد صفوف الامه على شرعه الحنيف

ويقرب نصرنا على من ظلمنا

لاهنت

تقبل مروري

وتقديري

[حي الضمير]

صح لساااااااااااانك
قصيده رائعه وابدعت
سلمت يمناك

[المحيط الهادي]

قصيده جزله وتوقض القلوب النايمه

صح الله لسانك

[كظيم]

احمد الجريفاني
ياعيني ياعيني
صح لسـانك وفكرك وقلبك
قصيده جزلـه وشامخـه
ابيـات تبكي حاضرنـا وما وصلنـا اليـه من هوان
ابيات تشرح ما نعايشـه بكل تفاصيلــه
كتبت .. سبكت .. حبكت .. أتيت بالمعنى الجزل والوافي
ابدعت يالغـــلاا
تقبل مروري المتواضع لاهنت
ودي وتقديري