السيف هيبته في غمده

[الطامي]

ماني بمقدام قوم رايه خلافه = الى نوى نية غيره يخالفها
اماعلى العزقدنا الجمع واسلافه = والابلاها لواني حضي يحالفها
العون بالهون ياتي دون كلافه = والا الشدايد نموت ولا نألفها
ماني بتابع ردي الراي واحلافه = شبحه قريبٍ وانا شبحي تألفها
الناس ماتتبع من هو فيه صلاّفه = ولاتتبع اللي حقوق الغير شالفها
ولاترغب الناس من هو قده الحافه = خشتي وبشتي ولا نفسه بكالفها
ان جا المجالس قدت حجته سولافه = مافيه قصه قديمه غير يسالفها
السيف هيبته في غمده مع غلافه = والا جرد بانت السِنه وتالفها
ماهوب انا اللي يجي للخلق معلافه = تدور الناس منهو يكون عالفها
وارد واقول في المبدا وزلافه = اعز ربعي ويقناني تحالفها

[الخنساء]

النـاس ماتتبـع مـن هـو فيـه صلاّفـه

ولاتتبـع اللـي حقـوق الغيـر شالفـهـا

ولاترغب الناس من هو قـده الحافـه

خشـتـي وبشـتـي ولا نفـسـه بكالـفـهـا

صح لسانك مليووون

قصيدة جزلة من شاعر جزل

سلمت ودام حرفك

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[الطامي]

الخنساء
صح بدنك
وشكرا لمرورك وتعليقك
لاهنتي

[الطامي]

الطائر

صح بدنك
وشكرا لمرورك وتعليقك
لاهنت

[عمر ال شيبي]

السيف هيبته في غمده مع غلافـه

والا جرد بانـت السِنـه وتالفهـا

نطقت القول الحسن منه

وجبت صور ما تخطر على بال انسان

جزل يا شاعرنا جزل

وبيض الله وجهك

وصح لسانك لين ترضى

[الطامي]

الشيبي

صح بدنك
وشكرا لمرورك وتعليقك
لاهنت

[منيع]

ابيات جزلة من شاعرمميز
تسلم ياالطامي
رعاك الله
تحياتي

[زهرة اللوتس]

صح لسانك وفكرك
لاهنت
ويعطيك العافيه
تحية طيبه

[نجم الإبداع]

كفووووووووووو وصح لسانك يابو محمد

مصافحه وافيه من وافي

لاهنت

تقبل مروري

وتقديري