نصيحة عاشق

[عادل بوبدر]

بسم الله أبدأ

::
ألا ياللي رميتوا رميةٍ تصعب على الرامي
سهوم ٍ من بيوت القاف مختارات و مْـنقــَّـاه

حَـوَت من نغمة الاشعار بين إظهار وإدغامي
يغني مع لحنها ساجع القمري مع الورقاه

بعد ماجاني التصريح من مندوبك السّـامي
على ردي .. عسى ردي يناوش غايته ومناه

شكيتوا واشتكيتوا من عنا دولاب الايامي
ولا كل ٍ تبي تبدي له الشكوى ولا المشكاه

يا كود اللي يحفظ من الشـيَـم عادات واحكامي
يبادلك الصراحه لا عنيت وجيت له تنصاه

زمانك لو صفا لك واجتباك اليوم ما دامي
ولو يقبل سريعه خطوته لـَ اقفى يحسب خطاه

ليالينا تمنــّـينا على صفحات الاحلامي
تعـشــِّـمنا سرابٍ زامي ٍ في يابس المضماه

ترى دنياك هذي يالبيب أرزاق واقسامي
نصيبك لو تمادت غيبته لابد ما تلقاه

وجفنك لا تفيـِّـض دمعه لعاذل ولـوَّامي
يلبسك الملامه لو صفا لك قوله و معناه

دموع اهل الكرامه ما حشمها غير الاكرامي
على شيمة وقيمة بيت عز ٍ ناهض ٍ مبناه

ولا تلقى مكاسب تجرتك مع كل سوَّامي
ولو له جوخة التاجر و زي ٍ زاهي ٍ ترضاه

لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجاه

ومن دون الوفا حالت ظلوم ٍ بحرها طامي
غمرني والتماني راس رجم ٍ ما قدرت أرقاه

نسايرها بحاضرها .. حقايقها والاوهامي
لعل الله يدبر حيرة المبلي ولا يقصاه

عسى تسفر لك ايامك وتجلي ليل الاظلامي
وتقبل لك مقابيل الليالي كيف ما تهواه

قلم عادل الدوسري

[نجم الإبداع]

صح لسانك ياعادل

مصافحه راقيه

لاهنت

[ساهر الليل]

صح لسانك يا عادل

رائعه انت راعيها

جميل ماطرحته يا شاعر

قصيده فيها من العذوبة والجمال

ما يحلو لمن يهيم بين حروفها

مبدع يامبدع

تحياتي وودي

[الطامي]

بو بدر
صح السانك ملايين
رائعة وطيبه
لاهنت اخي

[عبدالله السويلم]

صح لسانك يابوبدر

نص رائع


لافض فوك


ابدعت وامتعت كالعاده


تحياتي لك

[منيع]

مبدع ورائع
رعاك الله
تحياتي لكم

[بنت النور]

صح لسانك وعتلى شانك
الله يعطيك العافيه
تسلم أيدك ع القصيدة الرائع
ابدعتو فاتميزتو
اقبلو مني باقات من القرنفل
بانتظارجديدك بكل شوق
ودي ووردي

[همس الورد]

عادل الدوسري

صح لسانك

تحيتي

[الخنساء]

دموع اهل الكرامه ما حشمها غير الاكرامي
على شيمة وقيمة بيت عز ٍ ناهض ٍ مبناه

ولا تلقى مكاسب تجرتك مع كل سوَّامي
ولو له جوخة التاجر و زي ٍ زاهي ٍ ترضاه

لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجاه

صح لسانك ملايين
جزلة من شاعر متمكن
سلمت ولاهنت

[حي الضمير]

صح لسانك شاعرنا
قصيده رائعه وابدعت
ولافض فوك يامميز