15/5/1430 هـــ محاوو$و$ووره طازه

نجم الإبداع · 09-05-2009, 10:29 PM

فلاح)سلام والا سوم والا سلم روس=على الذي حاضر وناجز مادّرق
ودي نسوي قافيه فيها دروس = نادو الزلامي كان وده بالورق
عثمان)خبري الزلامي على خبرك يحوس=الله يستر كان مافي بيره غرق
مدري وش اللي تبابه دايم فيه مهوس=خل الزلامي عنك وانظر ما برق
فلاح)ياعود ماهذا علامك ماتدوس=تلفي تقول انك وريث لبن جلق
احذر تغرز ياعويد بالطعوس = والا تدحدر يالطويّر بالزلق
العودخايف جالس يعد الفلوس=عايش مع الورعان دايم في قلق
والا يكون اتكسرت كل التروس= مالوم عود الجن لاجاه الفرق
عثمان)مانيب من يركض ويرعى له تيوس= انا الصقر تعرفه لا منه سعق
فخل السوالف لو تروس او ما تروس=ومن لاتوقع طاح في درب الزلق
صنداح)انا سمعت انك تدور لك عروس = ياعود حضك لايجيب الك السلق
عثمان)مانيب مثلك كل من شفته ابوس=عارف لقدري والسلق لك يابلق
فلاح)العود لادور لقى مثل البسوس = ساهر يداريها ليا وقت الشفق
حتى دماغه ياولد ماكله سوس= قلنا يسالم قال ماعندي علق
عثمان)لا انتاب امريكي ولا انته من الروس=مغير اوغندي عبر بحر بالسرق
فلاح)احسن من الي لاحلف يحلف غموس= وارث علوم الدجل من جدٍ سبق
احذر من الليلي اذا جا لك عبوس= ما معْكْ بندق وش يفيد به الفشق