شكوى ونقد للبنات

[سناعيس]

هذه المتواضعه قلتها سابقا منتقدا بها الرئاسة العامه لتعليم البنات سابقا ( وزارة التربية والتعليم )
عندما طالبت بنقل زوجتي فلم يتسجاب لطلبي أتمنى أن ترقى الى أذواقكم علما بأنها نقلت بعد ذلك ليس بسببها لأنها لم تخرج الى النور الا في هذه اللحظه
فقلت فيها

من يوم تقفي ياحسين الوصايف=والقلب يرجف بين الأضلاع ولهان
لاداله(ن) فلبي ولاهو بشايف=غيرك من الأجناس انس ولا جان
لايابعد كل الملا والطوايف=ومن كان من قحطان أو نسل عدنان
ماني وبعدك ياحبيبي ولايف=جايع لقربك ياحبيبي وضميان
حسبي على اللي حدنا للنكايف=الله ياجعله هايمن ماله أوطان
لاراحم(ن) حالي ولانته برايف=عفريت يابن....1... في هيئة انسان
لو يجتمع زوجين وش انت خايف=كله نقل رسمي مايخالف أديان
مدري نكت تعيينكم أو طرايف=أزواج في ديره وفديار نسوان
نظامكم هذا علينا كلايف=وروتينكم مرفوض في كل الأزمان

وسلامتكم
1- المسئول عن الرئاسه في ذلك الوقت

[أم ريما]

لو يجتمع زوجين وش انت خايـف
كله نقل رسمـي مايخالـف أديـان
مدري نكـت تعيينكـم أو طرايـف
أزواج في ديـره وفديـار نسـوان
نظامكـم هـذا عليـنـا كـلايـف
وروتينكم مرفوض في كل الأزمان



صــــــــــــــح لساااااااااانك... والله معاك حق ... يعطيك الف عافيه


تحياتي لك

[الشريف الشرّقي]

يقولون لا بغيت تدعي على عدوك قل : جعلك تخطب مدرسة في هجرة وسمعت ان فيه واحد يدرس في الجنوب وزوجته في الشمال وبيتهم في الشرقية !! نعوذ بالله من هذا الشتات .. قاتل الله البيروقراطية والروتين والواسطة والدنمارك

صح لسانك وماصدر من القلب يلامس القلب وخصوصا إذا كان من حبيب القلب سناعيس .
أخوك .

مـشـرفي .. الـ .. فـاضــل ..


سـنـاعـيــس ..


عــرض .. واقـعــي ..


مــؤلـِــم !!


عـسـاهُ ... أن .. يـصــِــل ..


صــداه .. لـ .. مـن .. بـ .. يــدهِ ..


بـعـد الله .. الـ .. فــرج !!


صـ كـلـكـ ــح ..


وأدامَ .. سـعـادتـكـ ..


وجـمــع .. شـمـلـَـكَـ ..


بـ .. ذويــكـ ..


اجـتـمـاعــاً .. لا .. تـفـرُّقَ .. بـعـْــدَه !!


دمــــتَ .. بـ .. وِصـَـــال ..


بـ انتظـار .. الـ مـزيــد ..


يا .. رائــــع !!

[ابو أنس]

سناعيس.............

الله يجيرك من عسير الصدايف=ويدللك للخير من وين ما كان

مبدعه ومن قلب
جميله ونابضه . وفيها بوح ومعاناة
أطربتني وأخجلتني
لك تحيتي وفيض ودي

[منيع]

اخي الحبيب/سناعيس
ابيات جميله
وهذه المشكله تؤرق الكثيرين
وحلها ليس بذاك الامر الصعب ولاكن تجري الرياح بما لايشتهي السفن

[نجم الإبداع]

سناعيس


صح لسانك على النص الإجتماعي الهادف


تحياتي واحترامي

[ثار التميميه]

صح لسانك ولاهنت

ابيات رائعه

وبصراحه توني ادري عن هالسوالف

انه في ازواج بمكان وزوجاتهم بديره غير شكل

صح لسانك على هالقصيده الرائعه

والله يسهل اموركم كلها

واذا على رئاسة التعليم خلها بالقلب ابرك >>اكثر وحده حاقده عليهم

لقلبك اجمل تحيه

نعم هي قضية تشغل الكثير من المتزوجين ، وكم هو أمر صعب أمام المسؤولين لحل القضية ولكنه سهل عندما يكون قريب منهم .

صح لسانك