لي صاحب ميت ضميره وهو حي

[ناصر السهلي]

السلام عليكم ورحمة الله وبركاته

مبطي مانزلت شي في قسم الشعر

وهذي أبيات للتواصل



لي صاحب ٍ ميّت ضميره وهو حي
ولايميّز من عدوّه صحيبه

دراهمه واجد ومرجلته شوي
ينفع معادينه ويبلش قريبه

ويعد نفسه شي من غير لاشي
والعيب عنده حاجةٍ ماتعيبه

الله يلومه طافي الضو والضي
ماهوب يثبت فالأمور الصعيبه

للمصلحه ينسف كرم حاتم الطي
وعنده مواجيب النشامى تعيبه

مايدري ان المصلحه مالها في
عنّي تقفّي به ويمّي تجيبه

ليت الردى له طب لو كان بالكي
أهم شي إنّا نحصّل طبيبه

لكن بعض الناس عيٍ ولد عي
ولايفتهم فالمخطيه والمصيبه

[الطائر المهاجر]

وعليكم السلام
كتبت فأبدعت واجزلت
صح لسانك ولا هنت
تحياتي الطيبة

[داعي الشوق]

صح لسانك و طاب حالك

والحمدلله ع السلامه ناصر

ابيات معبره بالحيل

و يا كثر اللي مثل صاحبك هالايام

ولاهنت

[هترل]

صح لسانك مليون ولا يكفون
نص وحضور جميل لاهنت
تقبل مروري المتواضع
تحياتي

[عبدالله الشويمان]

صح السانك يا اخ ناصر

ابيات جزله مبنى ومعنى يا الجزل..

لا هنت لا هنت

[عبدالمحسن الرحمه]

صح السانك وعلشانك أبيات رائعة

[الطامي]

السهلي
صح السانك ملايين
رائعة جدا
لاهنت اخي

[عيادة الجهيلي]

الله الله الله ياتاج راسي مليون صح السانك مليون

[منيع]

اكثر من رائعة
شكرالك
تحياتي

[الخنساء]

صح لسانك مليووووووووون
جزلة لاهنت

دام حرفك