ياقلب في درب الهوى ويش مشقيك . . .

[عبدالله راشد الثويني]

إقبلوها كما هي ،

ياقلب في درب الهوى ويش مشقيك=ماقلت لي من قبل إنـا قضينا
تذكر هوى من راح ناسي حكاويك = تمضي تنادي با الهـوى ياضنينا
حسبي على منهو برجواه معميك = اللي على طرياه ياما سرينا
يجرفني التيار فجأه لعينيك = واكتب حروفي فيك شوق وحنينا
إحروف شعري ماقصدت اكتبه فيك=لكـن حبري فيك باح الكنينا
ياغايتي ياهل ترى وين ألاقيك = وشلون تجهل بعدكم كم عنينا
جاوب على المشتاق وشلون يرضيك =يسهر لأجلك ثم يجر الونينا
دامك نويت الهجر ربي يعافيك = ياليت تذكر با الهوى مابنينا
اما كذا فجأه تباعد خطاويك = لا ياوليف الروح صعبه علينا
البـارحه ماغمضت عين مغليك=تدعي عسى منهو جفاها يلينا
لانامت عيون البشر صحت اناديك=والشاهد الله عنٌكم ماسلينا
لاجيت بنسى يذكر البال طاريك = والحب من الله ماغدا في يدينا
رآجـع ضميرك ثم تذكر محبيك = وارجع نكمل يالغلا مابدينا
وانا على خبرك على حطٌت إيديك =خلف الكلام الهـش لا ماسعينا
إن جيتني ياجعل ربي يحييك = وان طال هجرك اسأل الله يعينا
ببقى على ذكراك ماني بناسيك = منسآك يلي صرت منا وفينا
مهما تزايد با المحبه تجافيك = منكم فلا والله بلحضه شكينا
لاجيت ألوم القلب واقول وش فيك = يقول بحر الحب مافيه مينا

وسلامتكم ، والعذر على القصور

[الطامي]

الثويني
يالها من رائعه
صح السانك وعلى شانك
ولاهنت يالغالي

[منيع]

ابيات جميلة
بارك الله فيك
تحياتي

[الأموره]

الله الله

تسلم على هالطول العذب

صح لسانك و دام نبضك ،،

الف شكـر لك ،،

دمت برعاية الخالق ،،

[مبروك بن ماضي]

اخوي المبدع :
الشاعر / عبدالله الثويني
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي
.

[عذب القوافي]

صح بدنك شاعرنا الجميل


قصيده في غاية الإبداع


ت ق د ي ر ي

صح لسانك أخوي عبدالله
قصيدة مليئة بالمحبة والوفاء

جميلة جدا ً
دمت بخير

[ســُلاف]

اما كـذا فجـأه تباعـد خطاويـك
لا ياوليف الـروح صعبـه علينـا
لا ماهي صعبة قو قلبك واقسى عليه ومثل ما يتغلى تغلى وان كانه يحبك بيرجع وان كانه قليل خاتمة خله يروح وربي يعوضك خير
عبدالله الثويني صح لسانك

[النهج المختلف]

تحياتي لك.. عبدالله الثويني

قصيدة ..جميلة ورائعة

مع إعجابي ...

[عبدالله راشد الثويني]

المشاركة الأصلية كتبت بواسطة منصور المري

الثويني
يالها من رائعه
صح السانك وعلى شانك
ولاهنت يالغالي

حيآك أخوي منصور ، مرورك يسعدني كل الشكر
تحيتي لشخصك الكريم