ليت الشنب شاله بموس الحلاقه

[نشمي المويعزي]

ياقلب من باعك من الناس بيعه=اخير لك من ذل نفسك فراقه
تلقى بداله بالرجال الشجيعه=كانه يدور قطع حبل الصداقه
من راح واقفى لايدور تبيعه=مايتبعه لا راح غير العلاقه
شاعر ولي عزة ونفسي رفيعه=ماني على ماقيل تبّاع ساقه
نفسي مع اهل الطيب دايم مطيعه=وتردني عن كل عيّه وعاقه
ماخاوي اللي سامعتهم وضيعه=اهل الغوج واهل العلوم الدقاقه
واعتز بمخاوى الرجال البتيعه=اللي لهم بالطيب باع وعلاقه
اهل المذاهب والصدور الوسيعه=مثل الفضى اللي مايحدد نطاقه
والرجل سلم.. وعقل.. واصل.. وشريعه=وحموّه.. ونخوه.. وطيب.. وعراقه
ماينفعه جسمه وكثرة لميعه=لا صار ماله مع هل الطيب طاقه
لا صار فعل الطيب مايستطيعه=يصير عاله في وجيه الرفاقه
لا جاك يلمع بالثياب الفضيعه=تقول ماخلاّ من الطيب باقه
وليا بحثته كت راس التليعه=تنقد عليه بهرجته واصطفاقه
رزة ملك لاقال كلن يطيعه=رزه ولكن فيه خف وطفاقه
مضيعٍ كل الدروب السنيعه=فرقه عن اخته بالإسم والبطاقه
دعبول ماينفع وعايش بضيعه=ليت الشنب شاله بموس الحلاقه

نشمي حامد المويعزي

[داعي الشوق]

صح لساااااااااااانك مليوون يا نشمي

و الحمدلله على السلامه

يسعدنا حضورك و تفاعلك و تواصلك أخي العزيز

ولاهنت يا مبدع

************

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[الـزلـزال]

نشمي المويعزي

نص رائع وجميل
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
دمت بخير وتواصل ودام لنا حرفك
صح لسانك ملايين ملايين
ولك فائق تحياتي وتقديري

[عبدالمحسن الرحمه]

صح السانك والنعم فيك
وصداقك فخر لنا طال عمرك

[منيع]

اكثر من رائعة
كل الشكر لكم
تحياتي

[عمر ال شيبي]

صح لسانك يا النشمي


جود وهات الزين يا جزل

[حوريه]

نص رائع من شاعر رائع

صح قلبك يانشمي

ودام حرفك

وياهلا بك

تقديري لك
0
0

[عبدالعزيز العمار]

رائع يانشمي وصح لسانك

أبدعت وأمتعت ولاهنت

تحياتي لك

[عبدالله الشويمان]

صح السانك يا اخ نشمي

ابيات جزله وحاميه

لا هنت لا هنت