لاصرت في ديرةٍ ..حرامية الأوطان

[الطائر المهاجر]

لاصرت في ديرةٍ والله معطيها= خير كثير وكثير من الحراميه
تصير كالقربة المشقوق دانيها= مهما تعبى تراها تخر للميّه
تلاقي بها السوس ينخر في مبانيها=من كثر ما تنشفط من كل واويه
من كل ميت ضمير ما درى فيها= يشوفها ناقةٍ والحلب حريّه
وحتى يموت ضميره ما يخليها= رضاعة الليل تطفي ضامرٍ حيّه
وف الصبح جاهز بكلمه مايباليها= حاضر ولبّيه في بسمات ورديه
ولا من شبع اسس اعمال يراعيها= مرٍ بإسم المره او ابنه وخيّه
وحط الأجانب تشغلها وتواليها= وهو درعهم لاحصل اشكال وبغيّه
ومن قبل ما ياصل المنصب وعاليها= تلقاه متسلقٍ في كل وديه
اما الظهر اوصله لاعلى مفاليها= والا بترزز وتلميعٍ وجاهيه
ولد حموله شهاداته تعب فيها= وهو اخذها برشاوي فاشلٍ زيّه
يجلب معه ربع من حوله يحابيها= من كل فاشل يؤدي ادوار مخفيه
شراكة النهب تعرف من مواريها= وضع متردي بجهه في شبه محميه
يرصد لها الاف مليارات تبنيها= ولا يبان فيها مدام بْها حراميه
لو هو بيدي ارسخ من مباديها= جلب الكفاءات باعلانات مقريه
ولجنه نزيهه لفرز اللي بحراويها= وتختار منهو كفو في كل سريه
ويعرف رصيده واملاك يواليها = ولستة شهور يكلف مابها صخيه
وتحت الرقابه يتابع ما نخليها= امانه وجد وانجازات مرهيه
وإلاّ يبدل بغيره من هقاويها = ثمن يحاسب على اخطاء منويه
من دون هذي الطريقه ما نداويها= اوضاع مترديه ماهيب صحيه

[عبدالمحسن الرحمه]

لنا الفخر أول من يرد على هذي لرائعة سلمت سيدي الفاضل
وصح الله السانك

[الـزلـزال]

الطائر المهاجر

نص محاكي للواقع المرير
صور لنا الحال الأليم الذي يعيشة الكثير
أبدعت وأمتعت طائرنا
حلق بشعرك فوق القمم ولنا الأستمتاع بكل حروفه ومعانيه
صح لسانك ملايين ملايين
ولك فائق تحياتي وتقديري

[ساهر الليل]

اوضاع مترديه ماهيب صحيه

الله الله انا اشهد يا عود انك صادق

صح لسانك يا شيخ على على هذه الباذخه

والله يعين على كل حال ,,,,,,,,,,,,,,,,,,,

تقبل مروري وتقديري

[هترل]

صح لسانك يابو عبدالله مدد
ابيات تحاكي واقع مرير ....
الله يجيب العواقب سليمه


تحياتي وتقديري

[داعي الشوق]

صح لساانك يا دكتوور

قصيده نزيهه تطرقت لبعض السلبيات الغير صحيه ،،

صح لسانك مدد

مع تحياتي لك

[بنت النور]

صح لسانك
ولاهنت
اجلالي واحترامي

[الطائر المهاجر]

شكراً اخي عبدالمحسن
على كريم المتابعه
لاهنت
تحياتي

[الخنساء]

لاصــــرت فــــي ديــــرةٍ والله مـعـطـيـهـا

خـيــر كـثـيـرٍ ومــــن حــولــك حـرامـيــه

لو هي على النيل ما تنبـت اراضيهـا

مـن كثـر مـا تنشفـط مـن كــل واويــه

مـن كـل مـيـت ضمـيـر مــا درى فيـهـا

يـشـوفــهــا نـــاقـــةٍ والــحــلــب حـــريّـــه

وحـتــى يـمــوت ضـمـيـره مـــا يخلـيـهـا

رضـاعـة اللـيـل تطـفـي ضـامــرٍ حـيّــه

وف الصبـح جاهـز بكلمـه مايخليـهـا

صح لسانك مليووووووووووون ولايكفوووووووون

قصيدة جزلة تترجم الواقع من شاعر حساس

سلمت ودام بوحك

[مشعل التريباني]

يجلـب معـه ربـع مـن حولـه يحابيهـا=من كـل فاشـل يـؤدي ادوار مخفيـه
شراكـة النهـب تعـرف مــن مواريـهـا=وضع متردي بجهه في شبه محميه
يـرصــد لـهــا الاف مـلـيـارات تبنـيـهـا=ولا يـبـان فيـهـا مــدام بْـهـا حرامـيـه
لـو هـو بيـدي ارســخ مــن مباديـهـا=جـلـب الكـفـاءات باعـلانـات مـقـريـه
ولجنـه نزيهـه لفـرز الـلـي بحراويـهـا=وتختـار منهـو كفـو فـي كـل سـريـه
ويـعـرف رصـيــده وامـــلاك يوالـيـهـا=ولستـة شهـور يكلـف مابهـا صخـيـه
اخوي الطائر المهاجر
صح لسانك على هذه الرائعه
صراحه ابيات صيغت بما الذهب
تستحق الاشاده لاملك الا ان اقول
لافظ فوك ابدعت وامتعت بيض الله وجهك