قالو الصمت خير اليوم من بعض الكلام

[نجم الإبداع]

ياقانا لك الله! بيننا مالك نصير = ماتت نخوة اهل المعتصم وسط الزحام
ياقانا وبنت جبيل الى وين المصير = ياقانا بكى قلبي معك بين الركام
ياقانا انكوى وجدي على طفلٍ صغير = من طغيانهم غيضي!وعيني ماتنام
قبلك راح بيت القدس والقادم خطير= يكفي ان ابن نصر الله ردعهم بالحزام
يستاهل تحيه صادقه والله بصير = المسلم اخو المسلم وظلمه شي حرام
نحنا احفاد ابو محجن وموسى بن نصير= لاتحسب سكوت الليث في ليله وئام
احس القلوب تفور! من عقب الشخير = فاقت من ذهول المجزره فوق الحطام
اسمع في روابي نجد بالهيجاء زئير = واسمع في الجنوب وفي الشمال الاحتدام
ياليت الذي في سوريه ينقذ صفير = والي في شمال النيل يكسر خشم سام
كم ولول وكم نادى وكم صاح البشير= يادار الكراسي وش بقى غير الحسام
مالوم الذي خايف ولا الوم الصغير = لكن هقوتي مافوقها واحد همام
ياكوفي عنان اما انت لا مافيك خير = لعبه في يد امريكا ومثلك مايلام
بوش الارعن الي سار في دربه بلير= قتل اطفالنا معناه يارايس سلام؟
هذا فكر متعجرف وتاليها سعير = يحرق داركم يالي تذلون الكرام
هرمجدون في تاريخكم ياشكسبير = من توراتكم وانجيلكم تشعل ضرام
مالي غير دعوه صادقه جوف الضمير = ينقذنا من الفتنه ومن شر الخصام
الله ينصر الاسلام رغم انف الحقير = هذا وعد صادق دين ربي مايظام
كم صحنا ونادينا وماقد طار طير = قالو الصمت خير اليوم من بعض الكلام

[الآكيد]

فلاح بن منشار وهذا الابداع


صح لسانك على هذه الابيات المعبره

[نسناس الهوى]

الغاالي / فلاح ..
فيض من غيض .. مشاعر صادقه نبيله
وحسبي الله عليهم ..
صح لسانك ولاهنت يالغالي

[ابراهيم السنيدي]

حسبي الله ونعم الوكيل

صح السانك اخوي الشاعر فلاح بن منشار

لاهنت يالقرم

يعطيك الف عافيه

اخوك ابراهيم السنيدي

[منيع]

الاخ الشاعر الانسان/ فلاح بن منشار
الشعر هنا موقف نبيل يترجم احساس كل مسلم غيور
بارك الله فيك ولافض فوك

[أم ريما]

صح لسااانك اخوي فلاح

قصيده رائعه الله يعطيك العافيه

وينصر الأسلام والمسلمين في كل مكان

تحياتي لك

[سـعـد الحويماني]

اي والله الصمت خير من الكلام


ابو محمد

تحيتي واعجابي

[ضاامية الود]

اخوي فلاح

حسبنا الله ونعم الوكيل

وصح لسانك على هذي الابيات التي تدفعنا الى الغيم

ولاهنتي

تحياتي وتقديري

[انكسارات النخيل]

شاعرنا الجزل/فلاح

اللهم انصرنا على من عادانا

وانزل الهزيمه على الظالمين

صح نزفك الغيور الصادق

كل الود

[نجم الإبداع]

المشاركة الأصلية كتبت بواسطة الآكيد

فلاح بن منشار وهذا الابداع


صح لسانك على هذه الابيات المعبره

ارحب
اخوي الأكيد


تشرفت بحضورك الراقي


لاعدمتك