يا مسارات السياسه وان حصل فيك اختلاف

[الطائر المهاجر]

يا مسارات السياسه وان حصل فيك اختلاف= ثابت المبدأ ولا لي في تقارير مثيره
كم تفرق من شعوب وكم اثارت من رجاف = كنها مستاجره تنفث سموم بكل ديره
كنها من تل ابيب واسمها صاير لحاف = تخدم اسرائيل في اهدافها في كل سيره
ومصيده للي خفيف العقل ماشي بانجراف = ماكلٍ طعمٍ نصب له ما درى وشهو مصيره
من ثبت مبداه صامد ماعرف يوم انحراف= ماتؤثر فيه كلمة خادعٍ لو هي خطيره
حنا اهل الدين لكن باعتدالٍ في عفاف = واي اسلامٍ سياسي نعرفه خدعه كبيره
من وراه اللي طمعهم ف الثراء بعد الجفاف= حطوا الإسلام جسرٍ يجنوا ارباحٍ وفيره
مستغلين الفقير ومن بعقله التفاف = واعدوهم بالجنان وحور عينٍ مع نفيره
خلوا المسلم يقاتل مسلمٍ مثله جزاف= دام عقله قد تبرمج ضد اهله والعشيره
من حصاني من نظر لوجيهها تلصف لصاف = قال نور الله خلاها كأقمارٍ منيره
ومن سمع لاقوالهم قال الملائكة النظاف = واجبٍ امشي وانفذ مايبو لو بالظهيره
من ثبت مبداه ما يصبح مثل بعض الخراف = سهل يخدع من منافق تاجرٍ ميّت ضميره

[منيع]

خــلـــوا الـمـســلــم يــقــاتــل مــســلــمٍ مــثــلــه جــــــزاف
دام عـقـلــه قـــــد تـبــرمــج ضـــــد اهــلـــه والـعـشـيــره

احسنت واجدت يادكتور
ولاخلاف حول الجزيرة ومن يحذو حذوها من الاعلام المظلل
شكرالك
تحياتي

[داعي الشوق]

صح لسانك و صح فكرك و بالك و حالك

قصيدة تستحق ان تكون على الصفحه الاولى في كل الصحف

ابدعت يا عود ولاهنت

و ما فيك حيله

[سعيد عوده الحويطي]

كل عام وانت بخير يادكتور وصح لسانك مليووون وليت الامر يتوقف عليها لكن الامر اكبر من ذلك بكثير حفظ الله ديننا وبلدنا من كل سوء

[بنت النور]

صح لسانك و صح فكرك
يعطيك العافيه
ابدعت يا شاعر
ولاهنت
تحياتي

[عبدالله السويلم]

صح لسانك يادكتووووور

لافض فوك


جزاله ومعنى وهدف


كفانا الله شرهم ومن على شاكلتهم


تحياتي لك وللجميع

[الطامي]

الطائر
كل عام وانت بخير وصحة وسلامه
وح السانك ملايين
ابداع هادف لافض فوك
شكرا لك

[نجم الإبداع]

صح لسانك يابو عبدالله

صدقت

[الراقي]

صح السـانك ومنطوقك الجزل الوف الملايين

ربي يرعاك

[الطائر المهاجر]

شكرا منيع
على كريم الحضور
لاهنت
تحياتي