ما يكبرني الى من قيل دكتورٍ وشاعر

[الطائر المهاجر]

ما يكبرني الى من قيل دكتورٍ وشاعر = ولا يصغّرني اذا نوديت بفلان الفلاني
فلاني من غيّره علمه مثلما بعض الدكاتر= ولا خدعني منصبٍ او جاه يوم الله عطاني
واثقٍ بالنفس ماني من محبين المظاهر= منهجي درب التواضع بالفعل لا باللساني
قانعٍ باللي انكتب لي من الهي دوم شاكر= ما حنيت الراس ذلّه كود يعلى يوم شاني
حرّ مولودٍ على الفطره وبالفطره اجاهر= ولا اخاف إلاّ من اللي عالم السر وبياني
الشعر عندي هوايه ماني بالأشعار تاجر = ولا ني من يبحث عن الشهره وتمجيد الغواني
في الشعر معروفٍ اسمي دوم بالطير المهاجر= ولو عرفه البعض يجهل ما كتمته في المحاني
هاجرٍ وقتٍ لئيمٍ ما اهتنى به غير ماكر= ولا احترق به غير حرٍ ذاق مرّه والهواني
في الشعر القى فضائي رحب في جوّه اهاجر= حرفي الوافي جناحي في سما بدع المعاني
لا انافق لا اجامل وبالغزل لو كنت شاطر = من خيالي ابدع القيفان واسبح في العناني
ما أبي ماهوب صعب دام بالإبحار ماهر = وكل طاروقٍ نظمته ما تعثّر بي حصاني
ورغم هذا ما اقول إنّي مع الشعّار شاعر = فللشعر عندي رساله تحمل هموم الزماني
ما تكبرني اسامي ولا لي في حب المظاهر= عارفٍ مقدار نفسي ما انتظر تقدير ثاني

[الأموره]

يا سلام عليك يالشاعر ،،

الله يا زين هالمعاني ،،

صح لسانك و علا شانك ،،

الف شكر لك ،،

دمت برعاية الخالق ،،

[عبدالرحمن الصباح]

صح السانك يابوعبدالله وفي ذمتي انك دكتور في التواضع على راسي ابوعبدالله

[عبدالله السويلم]

الله اكبركلااااااااااااااااام
اجمل تعريف
مبدع كالعاده يادكتور
تحياتي

[عصام عبد الحميد]

ابداع مميز
صح بوحك وحرفك
شكرا لكي

[ساهر الليل]

من اروع ما قرات لك يادكتور

انا اشهد انك دكتور حتى في الشعر

قصيده رااايقه ورااائعه انت راعيها

صح لسانك وطاب حالك وجعل السعاده تلازمك اينما حليت

تقبل صادق ودي وتقديري

[الطامي]

ماشاء الله
ابداع مميز
صح السانك دكتور
وفعلا الكبر لله وحده
والعلم مايرفع الا الرجال الواثقين من انفسهم بعلمهم ومكانتهم الطيبه بين الناس شرواك والمتابعين
فكيف اذا اجتمع علم ولسان فصيح شاعر
شكرا لك

[الطامي]

صح السانك
كفوووو عليك
وافي وكافي يادكتور
وما قلت الا الصحيح اللي خبرناااه منك
لاهنت خيوووووووووووووووو

[ملكة الشرق]

واثـقٍ بالنفـس مانـي مـن محبيـن المظـاهـر....منهجـي درب التواضـع بالفعـل لا باللسـانـي
قانعٍ باللي انكتـب لـي مـن الهـي دوم شاكـر....ما حنيت الراس ذلّـه كـود يعلـى يـوم شانـي

اويييييلييييي

هاذ الشعر ياناس
هاذي المعاني والصفات
الي ترفع الراس وتبيض الو جه

قصيده يحق لناظمها ان يقول وبفخر

نظمت قصيده

ويحق لقارئها ان يقول قرات قصيده

سيدي المبدع

صانع الابداع

الطائر في سماء الشعر تستقطب اعذبه

السابح في بحور المعاني تلتقط الدرر

وتنظمها قصائد

لك مني

الف الف تحيه

معطرة بالياسمين

صح صح لسانك واعتلا شانك

مليون ولا يكفون

وعدهم صح كلك


احترامي

[حرف وشعر]

كبير وبتظل كبير بمعانيك يابو عبدالله

حفظك الله ،،