المرجلة ماهي على فتل الأشناب

[الصريح العتيبي]

بديت بسم مسببا كل الأسباب = والخلق من فيضة وجوده عطاها
وسلام تسليما على كل الأحباب = ويسعد مساك ويسعد الله مساها
والضن ياصنهات في الربع ماخاب = لكن قلي وش سبايب دهاها
والمشكلة فيها يضيعون الاعراب =وقلوب سودا كيف نجلى صداها
وش جاب مرسول الرياجيل وش جاب= نوى يداويها وزودعماها
مانته بقايد للسرايا والاسراب = والارض قلي منهو اللي طحاها
خالي وعمك عندهم تلقى الاطباب= والحق صابون القلوب وشفاها
جيتك بمعدالين توفي في الارقاب= وشاورت ناس ربنا ماهداها
ويشهد حميد وفوقها يشهد عقاب =لويتها والله لليك لواها
شابت رموش العود والعود ماشاب=وعصاي والله ما نجرد لحاها
اقولها بالصدق ماني بنصاب= وكلا يزين حجته وش وراها
ومن فر فمها يعرف الضرس والناب =أما قناها دوم ولا حداها
والحق ياصنهات ما عنه مجناب= عود لعمانك ودور رضاها
والله يقبل توبة العبد لن تاب= والنار تحرق من يلاضي سناها .
ولن كنت تحسب فيه ابو زيد حساب= لمس النجوم اللي بعينك تراها
غابت وجات ولابقي غير مضراب= يقصم ظهر من باعها اشترها
لاكن مصخي في القرايب والاصحاب=واقول ثانيها مع اول سراها
والوافية ماجابها كل كتاب=وترى الحبوب الطيبة من ذراها
والمرجلة ماهي على فتل الاشناب= تطلع وتنزل سمها في شواها
والجد واحد ياعريبين الانساب=خل السباع اللي تعاوي جراها
وان طعتني ضفوا عليها بلا سلاب= ولااقبروها نعنبوا من قناها
ويالربع هدوا ووقفوا حرب الاعصاب =ومن لا احتمل ربعه حباله طواها .

[سعود القت]

والحـق صابـون القلـوب وشفاهـا
صح لسانك
مع خالص التحايا

الاخ صريح العتيبى
صح لسانك مليون ولا يكفون
قصيدة تحمل معانى واحاسيس رائعة
تسلم لنا اناملك اخى المبدع
ودمت ولا هنت
تحياتى لك

صح لسانك قصيدة رائعة
مشكوررررررررررر

[يوسف الشقران]

وعليك السلام

وعسانا من احبابك وعسى الله يسعد مساك



العتيبي

ويالربع هدوا ووقفوا حرب الاعصاب
ومن لا احتمل ربعه حباله طواهـا

قصيده ماهي غريبه عليك
والبيت هذا ماهو سهل . صدقت


صح لسانك وفكرك الراقي

[نجم الإبداع]

الصريح العتيبي


صح لسانك وفكرك

والحروب ياخوي قايمه بالدنيا كلها

الله يصلح الحال وانا اخوك

لاهنت


تحياتي وودي

صح السانك اخوي
قصيدة جزلة من شاعر جزل
دام قلمك ينبض لفطاحلة

[انكسارات النخيل]

الصريح العتيبي

صح نزفك الراقي شاعرنا الجزل

تشرفت بمروري هنا

كل الود

[أم ريما]

صح لسااااااانك

قصيده جميله الله يعطيك العافيه


تحياتي لك

صح لسانك يصريح يالي شعرك كله فصيح