ياهاجسي

[سااامر]

السلام عليكم ورحمة الله وبركااااته

نستأذنكم بهذه القصيده التي تعتبر الرسميه الاولى
عسى ان تحوز على رضاكم

ياهاجسي خفي علينا الطوابير=مشاعرك رغم الاسى يردهني
تسابق>ن مثل الهواة الصقاقير=لا قيل ياسبق القنيص اوردني
ياما تهاوينا البنات الغنادير=اللي على رسم الخيال استوني
ايام ريم ونوف لا ظني عبير=والا الصراحه والحقايق دعني
صفوة خيال>ن مقنياته بواكير=لادارت افياض الهموم اسعدني
اجمع لكم شتان فكري بتصوير=واقول سموها على غير ظني
الشعر قالو له مهب المزامير=والشعر من ساسه ملبس بجني
هذا اعتلته جنون شلة مغاوير=ماشفتو كيف اشعار حبكه وفني
اما حسيب القاف صابه وسط بير=ثم خيروه الطب والا مغنى
قامت تلاعبهم سوات الاساطير=في كذبة التنين قبل وتفني
الشعر فكره قد سبقنا به الغير=ايام من عصر الجواهل يسني
مرباعنا ماغير طيب الخواطير=والا الدرر منها البحور اشلعني
كل ماتقدمنا ويالله عسى خير=تجلهمت بمواجهن ناوشني
ثم>ن غدا راسي مركب بتدوير=ابغى الفرج ماقدر الله رمني
وتشوقني ذيك الفياض النواوير=اللي بها اثقال المزون ارعدني
وتطيب لي فوح الدلال المباهير=ما زلها الا واحد>ن مستفني
واصحابك اللي محتويهم مناعير=اللي يتمنولك بنفس التمني
مافيهم اللي قد جرا منه تقصير=ماتسمع الا خل عنك و عني

[منيع]

اكثر من رائعة
تسلم اخي الكريم
تحياتي لكم

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

[حي الضمير]

ياسلام ابدعت وامتعت شاعرنا

ومدد صح لسانك

[الـزلـزال]

سااامر

بوح مميز وجميل
من شاعر متميز ورائع في كل حروفه
أبدعت وأمتعت شاعرنا
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[داعي الشوق]

وافيه و جزله يا بو راشد

قصيده اعتلت صرح الجمال و الابداع

صح لسانك و طاب حالك يالشاعر

مع تحياتي لك

[سااامر]

صح الله ابدانك جميعااااا

وماعليكم زود

[الفرج]

احيي فيك هذا الحضور البديع
صح لسانك ولاهنت
تقبل اجمل ااتحيه

[القيسي]

رائعه من رائع
بيض الله وجهك على هالباذخه
تحياتي وتقديري

[سااامر]

وبيض الله وجيهكم ولاهنتووو