هــــــــــــات القـــــــــــلم

[مسلم عواد العميري]

هات القلم باكتب عباره للاجيال=علها تفيد المجتمع في زمانه
عبارةٍ تفهم لها ناس عقّال=وعبارةٍ للي بعد في الحضانه
دنياك يامولّع بها ريح ورمال=والمستفيد اللي يخزّم حصانه
وقتٍ تساوى فيه شاري ودلال=واصبح رفيق الرجل يكرب بطانه
بعض البشر لازال بالطيب لازال=والا بعضهم اختلف في كيانه
راحت جميع المرجله والطمع طال=واصبح سلاح الرجل برذع لسانه
عينك من اللي يدفعك عدة اميال=وبعض الصداقه تسحبك للخيانه
احذر من اللي رفقته كلها إدجال=ساعة يجيك الضيق ينسى مكانه
ترى النذل لونك تمسكت بحبال=يقطعك من باقي الفرج والاعانه
النذل صندوقٍ بلا باب وإقفال=والاجودي صندوق يصعب ختانه
النذل وادي ياخذك كل ماسال=والاجودي عِدوه يعرف الرزانه
النذل موجٍ يدفعك كل ماقال=والاجودي شط النجاة لعيانه
النذل نارٍ مالها رفد ودلال=والاجودي يعطيك لقمة بنانه
النذل لقليبك وعقلك مرض صال=والاجودي لعقلك وقلبك صيانه
النذل كلمه مالها قدر وافعال=والاجودي معنى وقيمه وامانه
احذر حذاري محذرينك بالامثال=خوفا عليك من الغدر والاهانه
المستريح اللي يدور هنا البال=يمشي على وضح النقا واتزانه

[عبدالله سعود الحويطي]

الله الله صح لسانك يابو عمر
على هذهِ العبارات ان صح التعبير فهي بالطبع كذالك واكبر من ان تكون عبارة كماوصفتها
هنا اعذوبة الشعر وجزالته
ولاكن حبذا لو اعرف المخاطب عندما قلت في صدر البيت الأول
هات القلم بكتب عبارة للاجيال
تحياتي

[الطائر المهاجر]

المستريح اللي يدور هنـا البـال
يمشي على وضح النقـا واتزانـه

ما ظنتي يرتاح من عاش رجال=في وقت ماله بالرجوله مكانه
لو هو مشى وضح النقا صيب بهبال=محدٍ يبيه وقد تجيه الإهانه

صح لسانك وفكرك
لكن الوقت غير في النفوس
ونادر ما تجد اللي محافظ على المبادئ

لاهنت
تحياتي

[عبدالرحمن بن زهير]

سلمت يا ابوعواد وصح الله لسانك ملايين ابيات جزله ومميزه...تحياتي

[داعي الشوق]

صح لساانك يالشاعر مسلم العميري

قصيدة جميلة و هادفه

لله درررررك

اسلوب تحذيري جميل

و في المقابل حث على مصاحبة اهل الخير


صح لساانك مع التحية لك

و التقدير

^^^^^^^^^^

[عبدالله راشد الثويني]

صح لسانك يابعدي دُرر يندر وجودها
تسلم يمناك على ماخطت ولا عدمنا جديدك ياعزوتي
طامعين دائماً بالمزيد من روائعك
تقبـّـل تحيتي

[حي الضمير]

صح لسانك ملايين
قصيده رائعه وجزلة وابدعت بارك الله فيك
أجزل التحايا والاحترام

[الراقي]

نص اكثر من راائع

وحضور جميل

صح لسانك شاعرنا

[منيع]

ابيات اكثر من رائعه
تحياتي وتقديري

[زهرة اللوتس]

صح لسانك
ولاهنت
ولله درك
تحية طيبه