رساله قصيره

[عايض ابوشيبه]

يا من يوصلي رساله قصيره=عجزت اوصلها ولو ماني اضعيف
كيف الرعد صابه من البرق غيره=والله خلق هذا وهذا مواليف
والقصد واضح يا قوي البصيره=ماتلغي المضمون كثر التحاريف
واللي تقدم للأسد يستثيره=يتحمل الطعنات من دون تخفيف
واللي لأجل كسري يعد الذخيره=تثور به لا جاه برق وعواصيف
دامه من اللي مايحب الستيره=يبشر وانا عايض بكسر المجاديف
مادام ناوي والنوايا حقيره=لا ياخذ العالم بزين السواليف
ياضح وضوح الشمس وقت الظهيره=ويبين النيات من دون تغليف
وانا بسير وراس ماله صفيره=خله يخوف مطلقات الغطاريف
والذيب لاقرر يواصل مسيره=ماياقف الا فوق روس المشاريف
وانا على ممشاه واسير سيره=ماهمني زود التعب والتكاليف
والكون رب الكون بأمره يديره=مافي يدين العبد للرزق تصريف
وانا سمو الشعر وانا سفيره=واشرف اللي حبو الشعر تشريف
اعشق جزيل الشعر واكره كسيره=معروف والأشعار لي خير تعريف

[صعبة المنال]

جزلة راقية

صح لسااااانك وحرررفك

واللـي تقـدم للأسـد يستثـيـره
يتحمل الطعنات مـن دون تخفيـف
واللي لأجل كسري يعـد الذخيـره
تثور به لا جاه بـرق وعواصيـف


صعووب

[نجم الإبداع]

كفووووووووو ياعايض ووووووووو

وصح لسانك على المصافحه الوافيه

لاهنت

تقبل مروري

وتقديري

عايض ابو شيبه

صح اللساانك مدد بلا عدد

جزله من شااعر جزل

وكفوووو بك

ولا هنت

[شعيل الزلامي]

هنا قرات شعر حقيقي

[ترانيم المطر]

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود

[الـزلـزال]

وانا بسيـر وراس مالـه صفيـره=خله يخوف مطلقـات الغطاريـف
والذيب لاقـرر يواصـل مسيـره=ماياقف الا فوق روس المشاريـف

عايض ابو شيبه


بوح هادف وجزل


من شاعر مميز ورائع في بوحه


نسعد غالينا بمصافحة بوحك الراقي


صح لسانك ملايين ملايين

ولك فائق تحياتي

[ابومياس]

صح لسانك وبيض الله وجهك
زيارة للحرف الاصيل
والمعنى الجميل
هنا وجدت الاحساس
قد غرس بهذه الكلمات الراقية
التي تدل على ان شاعرها

يتمتع باحساس شعري راقي
اقف احتراما للنص وصاحبه
دام هذا الحرف ودام الفكر
دمت بخير

[الخنساء]

صح لسانك مليون
ابيات جزلة والنعم فيك
سلمت ودمت بخير

[داعي الشوق]

كفو يا عايض كفو

شاعر جزل

ولك موقف جميل في كل الحالات

لله دررررك يا عايض

و صح لسانك مدد بلا عدد

تحيتي لك

،،،،،،،،،،،،،،،،،،،،،،،،،