(( صد الخوي ))

[فهد الغنام]

,,,

مساكم فل ويا سمين يالربع ,,, وعساكم دوم متعافين ,,,

مواقف الخذلان مواقف تحصل للجميع وما فيه احد ما مر عليه مثل هالموقف ,,, انسان تهقا فيه الطيب ويخذلك ,,,

من موقف مشابه لهذه المواقف أتت هذه القصيدة ,,,,


مرورها ... ولكم مني الود

مقشر من الضيقه على غير حاجه = ألا إلى صد الخوي وأنت محتاج
لا جيت له شفقٍ وعقّد إحجاجه = في ساعةٍ مالك من الضيق مخراج
ومن الردا حطّك بعنق الزجاجه = وعن حاجتك يبني معاذير وسياج
وعوّرك في كبدك بكثر اللجاجه = هرجه كثير ولا وراء هرجه إنتاج
لا ضاق وقتك فيك وأحكم إسياجه = عليك باللي بالعطاء مثل هدّاج
اللي إلى جيته تشوف إبتهاجه= وعن لازمك ما صك بابه بمزلاج
مالك ومال اللي إعلومه سماجه = اللي بكفّه طقّ صدره وهو داج
اللي يضيّع صيدته في عجاجه = وإسمه مع إزحول الرياجيل هلباج
بعض المواقف تنتهي بنتواجه = وألا بعضها يا عرب ذنب وإحراج
الموجعه تبطي ويبطي إعلاجه = بس الخيانه مالها طب وعلاج
الحر ينفع والدجاجه دجاجه = ولمع الذهب ماهو مثل لمعة الصاج
وكلٍ على ما قيل يعرف خراجه = دام القمر بيدك فلا تشعل إسراج
والليله اللي ظلمته من سراجه = ما ظنّتي للشمع والنور تحتاج
أسود من الحرقه على كف صاجه = وأنكد من اللي حطه الهم مسهاج
ما فيه ضيق ألا وراه إنفراجه = شيٍ من الله صبح الأيام ينباج
إلى إنتصف ليلك توّقظ وناجه = وإطلب من الله تالي الليل الافراج

ودي وتقديري ووردي لكل من مر و أستر ,,,,,وما يشوف شر




فهد الغنام الشمري

,,,,,,,,,,,

[الطائر المهاجر]

لا ضاق وقتك فيك وأحكم إسياجه
عليك باللي بالعطاء مثـل هـدّاج
قبل اختباره كيف تعرف نتاجه= خلك من اللي ف مجالسه هراج

جزل ومبدع
صح لسانك ولا هنت
تحياتي

[الحربي عبدالله]

الاخ الشاعر / فهد الغنام
صح لسانك وعلآشانك
شاعر جزل ومتمكن لله درك ..

[داعي الشوق]

صح لساااااااااااانك مليووووووووون يا فهد

قصيدة وافية و جزلة و رائعة

و مافيك حيلة يالشاعر

تحيتي لك و تقديري

ولاهنت

************

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح السانك

^^^^^^^^^^^

[الـزلـزال]

فهد الغنام

نص رائع وجميل

من شاعر تعودنا منه تقديم كل مايليق

ابدعت وأمتعت شاعرنا رعاك الله

دمت ودام حرفك المميز

صح لسانك ملايين ملايين

ولك فائق تحياتي وتقديري

[عبدالله راشد الثويني]

الله عليك

مُبدع يافهد ..

صح قلبك يابعدي وافي وصاحب اطلاله مُميزه دائماً

ما فيه ضيـق ألا وراه إنفراجـه

شيٍ من الله صبح الأيـام ينبـاج

إلى إنتصف ليلك توّقـظ وناجـه

وإطلب من الله تالي الليل الافراج

ونعم بالله


كل الشكر على اتحافنا بهذه الرائعه

وتقبـّـل تحيتي

[الخنساء]

والليله اللي ظلمته مـن سراجـه

ما ظنّتي للشمع والنـور تحتـاج

أسود من الحرقه على كف صاجه

وأنكد من اللي حطه الهم مسهـاج

ما فيه ضيـق ألا وراه إنفراجـه

شيٍ من الله صبح الأيـام ينبـاج

إلى إنتصف ليلك توّقـظ وناجـه

وإطلب من الله تالي الليل الافراج

صح لسانك مليووون

قصيدة مؤثرة جزلة من شاعر متمكن

سلمت ودام طرحك

[منيع]

ياسلام عليك
ابدعت واجدت
شكرا لك ولحرفك المميز
تحياتي

[الطامي]

الغنام
صح السانك ملايين
رائعة جدا
لاهنت اخي