بالحجة والبرهان ... على بطلان الدراسة في رمضان !!!!!!

بسم الله الرحمن الرحيم

قبل ما ابدأ أحب اقول الله يكون بعون طلاب وطالبات الجامعات ذا الفصل والله يستر عليهم من الحرمان

لأن هالفصل طويــــــل ومقداره 18 اسبوع ومنها 4 اسابيع في شهر رمضان

يعني وش فيها لو حذفوا 4 اسابيع اتوقع ان 14 اسبوع كافيه للتوزيع وتكميل المنهج :sm12:

هالايام يكثر الحتسي في وسائل الإعلام المقروء ووالمسموع والمشيوف عن الدراسة في رمضان

وان رمضان تراه مثله مثل غيره من باقي اشهر السنة.. وانتم ياللي تصايحون وتقولون :وش بلاكم علينا يوم تدرسونا

في رضان ؟؟ ترى ماعندكم سالفة !! ووراكم جوارين ولانتمب ناطحين من التعب والعنى ولا طول( ذيي ) ولا انتمب

تعرفون شي !!..ولا هذي الغزواااات والفتوحااات الإسلامية اكثرها كانت في شهر رمضان هذي غزوة بدر ..وفتح

مكة .. وعين جالوت و....الخ >>> يعني اني عارف غزوات اكثر من ذولي بس اختصار للوقت قلت الخ pb192

هذه شبهتهم في الدراسة في نهار رمضان

وحنا نقول سمعناكم فاسمعوا لنا ..

انتم كلامكم فيه شي من الصحة بس ماندري انتم نسيتوا او تناسيتوا ان الغزوات اللي قلتوها كان الجند اللي حاضرينها

كانوا مفطرين pb095 والدليل على أن ماندعيه صحيح ان عمرو بن الحمام في غزوة بدر كانت في يديته تميرات

وكان ياكل فيهن ثم قال قولته المشهوره اللي معناها: ( بخن بخن ..لا والله اللا ياطول هاليوم طولاه

ان قعدت احتري الين يقضن هالتمر اللي في يدي ) ثم ذبهن واقبل على المشركين يقاتلهم ببساله

وابشركم انه نال في ذيك الغزوه



ثم يضربون لنا مثل بالسلف ويقولون ان السلف كانوا مايفرقون بين شهر رمضان والأشهر الأخر فكلهم عندهم سوى

نقول لهم وين جبتوا ذا الحتسي منه ..بالعكس هذا الدليل يحجكم انتم ولا يحجنا لأن اللي قاري عن السلف الصالح

انهم اي السلف اذا دخل شهر رمضان الفضيل معد يدرسون لا تفسير ولا فقه ولا حديث ولاحتى علومه ..

مع ان الملائكة تضع اجنحتها لطالب العلم ..والحيتان وهي في بحرها تستغفر لطالب العلم .. بل انهم مايتفرقون

من متسانهم الا ويقال لهم : ( قوموا مغفورا لكم ).. ومع هذا وذاك الا إن مدارسهم كانت تسكر اذا دخل شهر رمضان

وحنا ماشاء الله علينا افضل منهم مدارسنا في رمضان مفتوحة pb071

طبعا الله من واحدن يبي يجي كانس يمشي مليون ويقول ان السلف الصالح كانوا يوقفون تدريسهم علشان يتفرغون

لقراءة القرآن الكريم فهو شهر القرآن ..

اقول لكم صحيح بس انتم يوم خليتونا ندرس معد صرنا نفضى نفتش المصحف



لا.. ويقولون: وش فيها اذا درستوا في رمضان ؟؟ ووش فايدة الصوم اذا صار مافيه تعب ولامشقه؟؟

نقول لهم يعني اذا ماتعب الواحد في صومه.. ولا عطش.. ولا طقته النفاظه من الجوع ..اجل صيامه مهوب صحيح!!!pb093

بعدين لو كانت المشقه في الصوم مطلوبه تسان الشارع مارخص للمسافر ان يفطر في نهار رمضان

وتسان بعد مانهى الشارع عن صيام يوم عرفه بالنسبه للحاج ..بس نهي عن صيامه لاجل ان يتفرغ للدعاء

والظن ان الدعاء اهون من مصالى الطلاب بالنسبه للمدرسين ..واهون على الطلاب من مقابل المدرسينpb131



ايضا دايم يطالب الطالب انه مايجي للمدرسة الا وهو لابدها بفطور .. والا تراه مهوب مستوعب.. والله يستر لايدوخ

ثم يصفر في المدرسة (يصفر = يغمى عليه ) وهها عاد الى اصفر الطالب في المدرسه

من اللي فيه وحده ينقله للمستشفى ؟؟:sm5:

لا ..وكلنا نعرف ان الواحد لصار على لحم بطنه فعز الله ان نفسه في تصير في طرف خشمهpb131 >> يقولون ان نسبة

الجليكوز اللي في السكر تدحدر الى صام الواحد:sm3:

وبعدين الدراسه تعتمد على التركيز والاستيعاب ..وماضنتي لا المدرس يبي ينتج.. ولا الطالب يبي يركز..

فضلا من انه يستوعب


لا والمشكله يقولون ان مهنا فرق بين رمضان وغيره ..وهم مفرقين في وقت الدوام pb192

يعني ليش ماصار الدوام مثل العاده pb131 >>> لاحنب اللي نمنا ولاحنب اللي قمنا (عسى مهيب عقوبه)

لا ..ومشاورك لحاله يخليك تعاف الدنيا ومن فيها pb131 تطلع مع موظفين الحكومة وموظفين القطاع الخاص

والاشارات تولع وتطفي عشر طعش مره وانت في متسانك ماتحركت .. لا عاد من زين سواقة ربعنا>> تكفى ياراعي

الطاره

ربيعنا في هالشوارع الواحد منهم تسن محدن مستعجل ولا وراه دوام الا هو .. هذا يخطم عليك ..

وهذاك يحدك .. والا خر واقفن عند الاشاره مع جهة اليمين ولا عبر اللي وراه اللي مايقصرون

بتعليق البواري >>مدزدين فيه وياحلالات من يقشعه بصدام الموتر الين يعرف ان الشارع مهوب ملك امه >>> خربت

الاخلاق

فبالله عليكم عقب هالمشوار وين تبي تجيك نفس انك تشرح او انك تسمع للشرح ؟؟



لا.. والمشكلة بعد إن الدوام الين تاريخ 24.. يعني يمكن تصير ليلة القدر في ليلة 21 او ليلة 23

والله يستر لاتجي سنة مانعطل الا اذا قيل ترى باتسر عيد

ما اقول الا ياجماعة الخير رمضان فيه ليلة القدرخلونا تكفون نصوم رمضان بدون دراسه

.. (دزيم) ان (احن )نوافدز هالليله اللي هي افضل من الف شهرpb189

وانت يابو وفا ,,,تخت ,,,تخت ,,,وفجأه وبدون مقدما تطلع ,,,,,,,,,
تراك تنور منتدانا لا تطول الغيبه ,,,,,,,,,,,,,

اسلوبك جدا رائع اخوي ويموت من الضحك ,,,,,,,,,,
وبما اني لا ني طالبه ولا موظفه ,,,, اقول ســـــــــــــــــــــــاد فيكم خخخخخخخخخخخخخخخخخ

يا خي اكسبو اجر ,,,,واحتسبو الدوام فيكم فيكم ,,,,,,,,,,,
وبعدين فيه شي اسمه سحور ,,,,
كلك باديه كبسه لحم واشرب وراها كاسين لبن ونم بعدها على طول ,,,,,,,,,,,

تقوم وانت نشيط وما تحس بالجوع يالله عقب العشاء ,,,,,,,,,,



تحياتي ,,,,,,,,

[الطائر المهاجر]

لا يابو وفى ابشرك بشارة خير
ان الله احياك ، وإلا انا عارف اني مارايح اكون موجود ،
بعد خمسين سنه تبي تلغى الجامعات والمدارس ، والدراسة
والإمتحانات وحتى الشهادة والوظيفة تكون وانت على كمبيوترك في غرفتك ، لا وازيدك من الشعر بيت
معاد حناب محتاجين لشوارع وزحمات ، كل ابوها رايح تنتهي ، وعلى سطح بيتكم
عندك كرسي مغطى ، كنه كوره ، تدخل وتشغل وتبرمجه على وين تروح ، وهوى
لحظات إلا وانت في سطح جدتك . حتى رمضان هاللي جايك ، تبي تطلع فتوى بأنه اختياري
والبداية ما سمعنا مؤخرا عنه من أن شيخ افتى بجواز التدخين في رمضان. اضف هالحكي لكلامي واحفظ الحقوق الفكرية لاتلطشها وتضحك على الإقلاع يحسبونها منك

الخيالة

شكرا اختي على الرد الجميل واتمنى ان اكون عند حسن الظن

يا خي اكسبو اجر ,,,,واحتسبو الدوام فيكم فيكم ,,,,,,,,,,,

اعتقد ان الدوام يعيق عن ماهو اهم وهو تلاوة القرآن

وبعدين فيه شي اسمه سحور ,,,,
كلك باديه كبسه لحم واشرب وراها كاسين لبن ونم بعدها على طول ,,,,,,,,,,,

تقوم وانت نشيط وما تحس بالجوع يالله عقب العشاء ,,,,,,,,,,

المشكه ايضا في وقت الدوام فما ادري وش الحكمه منه لاهوب في البدايه ولاهوب في النهايه

الخيالة
شكرا على مرورتس الغالي ولاتس خالص تحياتي

الطائر المهاجر ( مزهرية ورد )

الله حي الغالي

لا يابو وفى ابشرك بشارة خير

يوم شفت بشاره قلت بس قالو رمضان ايجازة

ان الله احياك ، وإلا انا عارف اني مارايح اكون موجود ،

الله العالم من اللي يبي يروح الاول وحرويتي يا ابوعبدالله اني قبلك ماش صرت يا الله اني اقوم
والا انت ماشاء الله عليك مهنا باخف من جسمك (اقول مشاء الله والله لايضرك بس لاتخاف تراي منيب نظول

إلا وانت في سطح جدتك .

الخوفه من هذي حيث ان جدتي تطلبك الحل

من أن شيخ افتى بجواز التدخين في رمضان.

وش هالشيخ تكفى ؟؟ .. والله يا ابوعبدالله هالايام معد صرنا ندري من حنا في يده ؟؟
وكلن يقول خذو العلم مني !!

واحفظ الحقوق الفكرية لاتلطشها وتضحك على الإقلاع يحسبونها منك

ههههههههههههههه ول يا .... مروغك
ولو الفكريه تسري في دمك مار شوري عليك لجيتك فانتبه على مخيبيك وهين.. والا افكريه بسلامتها

ابو عبدالله يعطيك العافيه على مرورك الغالي ولك خالص ابو تحياتي

ابو عبدالله (وردة )

[الريم]

ابو وفى

والله جبتها على الجرح

مره شاايليين هم هالدراااسه لا والله يستر لا يخلونا هالجامعة نمتحن بااخر اسبوع

يسوونها والله مافي انذل منهم

بس صراااحة!

مشا الله علييك داااااايم تتحفنا بكل ما تكتبه لانه هو الابدااع بنفسسه

تسلم يمناك والله وبنتظاار جديدك

المشاركة الأصلية كتبت بواسطة الريم

ابو وفى

والله جبتها على الجرح

مره شاايليين هم هالدراااسه لا والله يستر لا يخلونا هالجامعة نمتحن بااخر اسبوع

يسوونها والله مافي انذل منهم

بس صراااحة!

مشا الله علييك داااااايم تتحفنا بكل ما تكتبه لانه هو الابدااع بنفسسه

تسلم يمناك والله وبنتظاار جديدك

الله يكون بالعون والله يهونها مشوار الدوام جدا متعب .. تقصر وانت تقول زحمه

شكر اختي الريم على مرورتس الغالي

[ابو زياد]

اما انا فحتسيك كله جايزن لي ولاعليه اخلاف
والله ان بزارينا حسناهم وحاسونا لاهمب اللي صاموا وكتب لهم صيام ولاهمب اللي كلوا وشبعوا
مساكين ضايعين لا منا والا مناك يعني لا هيك ولا هكى والزحمات الله يهيديهم حشروا العالم كلهم في ساعتن وحده انا وانا رايح للدوام الاشاره اللي على يسارك رياست الحرس منول اقطعها الين طريق النهضه في دقيقتين
تصدقون يالربع انها في هالشهر الكريم تاخذ معي من النص الى النص وخمس<<<<< ياهوله هولااااه <<<خايف تقولون تسذا والا كان قلت ساعة الا ربع
نرجع للمهم في حديثنا الشيق وشهي الارقام اللي انت حاط وجنبها حروف

ههههههههههههههههههههه ياأبو زياد والله أنا مثلك ماأعرف وش سالفتها بس أقرأوأمشيها
ماتحب تفضح نفسها أنها عليمية<<<<<<<ايه هين يقالي الحين ماكشفت وفضحت عن نفسي


على العموم أنا والله من أول المتابعين لهالسوالف الجهنمية التي تنبأعن فكر ابداعي <<<ماجبت شئ جديد


سجلني وأحجز لي مكان في قائمة كتاباتك<<<<<ماتحب الزحمة

أشكرك شكرا شكرا على ماتخطه يمناك وعلى مايمليه عليك فكرك....



وحـــــــيدة زمــــانــــهــــا

[المرزوقي]

سلمت يداك
على ما املاه فكرك
تحياتي