منصور المري ،، والنحاوي الرشيدي

[الطامي]

في عام 2004 زرت مدينة الجبيل ومررت على الأخ الشاعر / سلطان بن غانم بن مهنا الرشيدي (( النحاوي ))
وقد قام بحق الضيافه وزادها بهديه نادره جدا وفيما بعد لم يقبل مني هديتي ولم ادري ماهو الذي بيجزيه عني كمكافئة الا هذه القصيده التي بين ايديكم علما انه رد علي باحسن منها ،، ولي معه مساجلات طريفة وطيبه غيرها

ابدي بذكر الله على القيل والقال = الواحد اللي له عباده يصلون
يالله طلبتك يامجيبن اذا سال = ياوامر حجاج بيته يلبون
انك تعافيني اذا طال المهال = توبة نصوح اشهودها دمعة اعيون
من عقب ذا قم يانديبي وفي الحال = قرب لنا اللي من الوكاله ومضمون
عليه من دشن الكويتي وطربال = وتوانكيه والتواير ومازون
عبه من الممتاز خل التمهال = فوق الميه والزود حطه بمخزون
لاكن صوته لاعرض صوت زلزال = وصوت الرعد والا الفحل حين يردون
ما هو يوقف بالمراكز ولا سال = معفي وعاده لا درو به يغضون
عليه جبار ذبحه التغربال = في ما مضى ذكره مع اللي يقولون
قد لاعته صكات بقعى تبهذال = نبغي نجدد له قديمه وممنون
يسري من الدوحه واحمله مرسال = حمل خفيف ويعجب الل ييغنون
قبل الفجر يدخل على ذرب الافعال = عند الرشيدي بالتراحيب والعون
من سربة الى اعتلت شهب الاذيال = لاثار دخان المشوك ضحى الكون
لاطوحت تنخى مداغيش العيال = ترمي المليثم تنعت اللي يردون
جوها هل الرده على كل مشوال = مثل ابو غانم لابته مايقفون
زبينهم ينزل حجى نايف الجال = وخويهم والجار مابات مشطون
وارجع واكرر كان ينشد من الحال = حنى بنعمة خير اللي يطرون
واهم عساهم طيبين بالاحوال = اللي بغرب ووسط واللي بعد هون
وقله على الساني بش على البال = شي كثير مانحصى لو بيحصون
يستاهل الأولى وهي له بالامثال = ودايم هل الاولى بخير يفوزون
والله يعاوني على الرد لو طال = وكلشن شوي بحقهم لو بيدرون
امدح انا الطيب على روس الاقذال = والا الردي جعله يولي بطاعون
واسرع من هذا اكلم بجوال = والا بفاكس العاصمي جعل مايهون
وارجو المعذره كان قصرت الاقوال = ماقل دل بزبدة اللي يهرجون

رد سلطان الرشيدي (( النحاوي )) على قصيدتي

بديت باسم اللي له الحال تنحال =الواحد اللي بالبحر عاش ذى النون
اللي الى من راد بالفعل فعال = جل جلاله واحد يحمل الكون
علام دورات الليالي والاجال = اللي خلق خلقه وكلن على لون
جل جلاله واحد يحصي الاعمال = الواحد اللي عنده الرزق مضمون
وبعد ذكرت الله علام الاحوال = غرفت من زين القوافي بماعون
ليا جاك من وسط الصناديق منهال = هاض الضمير وجاب من قيل والحون
ارمي ضعيف القاف واختار الاجزال= اصرف ذهب واجنيه من وسط مخزون
حي الجواب اللي لفى فيه رجال = العاصمي جابه وانا منه ممنون
جاب الجواب اللي على الراس ينشال = ورحبت بالجواب ترحيب مليون
جواب مسطور النشامى والابطال = الرجل وافي والمثل فن موزون
ومن بعدها ياراكب فوق سربال = سربال قطاع الفيافي ومضمون
سربال دار الخوف لاسرب اللال = الى بدا له ديرة دونها دون
ليا زم سراب الدار بسهال وجبال = وكظ الشجيع القلب وانكن مكنون
عليه قرم للمهمات شيال = ومشى تجاه الشرق لارض يريدون
لدار لبن ثاني بها الطيب فعال = وكثير ما سمعت بالقول يثنون
والى لفيت بدار ذربين الافعال = عند ابن منيخر وقفو لاتعدون
لاشافكم مناك جيتم بالقبال = يحذف العمامه يافتى حين تلفون
اول اقراكم فن والبن بدلال = يفوح شم البن قبل تذوقون
مهيله يطرب لها دايخ البال = يصبغ على الشراب شيفه على لون
وثاني القرى حيل مواحيل وجزال = بصينية يشبع بها من يريدون
فعله وفعل ابوه وجده بالاجيال = من لابة ترمي العشا ساعة الكون
لاجا نهار فيه امشير وعذال = عاداتهم بالحرب للموت يردون
الى اعتلو من فوق عجلات الازوال = كم خلصو من دين للدين مديون
مرية يامتعبة كل مرمال = وياما انحنى من طعنهم كل مسنون
والى سأل حنا ترى باحسن الحال = ناقص علينا شوفهم لو يزورون
سلم على منصور ماهل همال = وسلم على ربعه واللي يعزون
سلم على المره عدد زايل زال = واهل قطر سلم عليهم وممنون
حكامهم مع شعبهم عد ماطال = لاعلهم من كل شر يعتقون
وتمت بذكر اللي الى راد فعال = وصلو على المختار ياللي تصلون

[هاجس نجد]

صح لسانك يالمري
وصح لسان الشاعر
سلطان بن غانم الرشيدي
والنعم بكم وبكل القبائل أهل العادات الطيبة والمواقف الصعبة
بيض الله وجهـه على حسن الضيافة وهذي عوايد الرجال الطيبين بينهم
وبيض الله وجهك على رد الجميل بهذه الرائعة ما نسيت المعروف
وأنت تستاهل الإكرام والتقدير وعزالله ما راحت وقفته معك خساره
وربعك آل مرّة أهل العلوم الوافية يستاهلون المدح والثتاء
الله يديم العلاقة الطيبة بينكم وبين كل العربان
تقبل تحياتي ونقديري,,,
أخـــــوك
سعـــد بن عبـــد اللـــه العبيـــد
هاجس
H
نجـــــد

[الخنساء]

صح لسانك اخي الشاعر منصور
لاهان راسك قصيدة رااائعة
سلمت وسلم شعرك
دمت بخير

صوت وصدى
من أجزل ماقرأت


صح لسانك ولسانه
وبيض الله وجيهكم جميع ...


دمتم بخير

[حي الضمير]

صح لسانك يالمري ....وصح لسان الشاعر

سلطان الرشـــيدي

قصائد تحمل معاني جميلة تستحق الاعجاب

وادام الله الموده بينكم وبين الجميع ان شاء الله

[عبدالرحمن الصباح]

صوت وصدى رائعين من شاعرين كبار صح السانك ولسان خويك اسجل اعجابي وتقديري

[ابومياس]

الحبيب والغالي منصور الوذين المري

يسعد لي مساك وصباحك

صوت وصدى من شعار اهل حرف

بيض الله وجهك على هذه الرائعة

كفيت ووفيت ولايهون الشاعر الجزل سلطان الرشيدي

صح لسانك ولسانه

دمت بخير وعافية

[سناعيس]

صح لسان الجميع
صوت وصدى رائعين
الله يبيض وجيهكم

تحياتي

[الطامي]

هاجس نجد
ابو عبد الله
سلم راسك وتعطرت انفاسك
يسعدني انك اول الداخلين هنا
لاهنت واشكرك على التعليق
وما عليك زود يالغالي

[الطامي]

الخنساء
تسعدني طلتك لاهنتي
شكري لك وتقديري لمثلك