][ شفني على نهج الوفاء ][

[عبدالعزيز الرقابي]

شفني على نهج الوفاء جيت واعطيت =شعر ٍ تلالأ في سطوره موده
قدرك رفيع وهقوتي فيك ماخطيت =رعبوب قوم ٍ زاره الشوق مده
انشهدني شاعرن بك تماديت =من كثر ماقلتي حلاياي عده
يالفاتنه هل تعلمين اني اهديت =كل الهوى وكل المشاعر بشِده
انا اشهد اني منك يالغاليه ابطيت =عدة شهور ِ فوقها شهور عده
لو قلت لي ياصاحبي ليش حبيت =والعشق باب ٍ فيك شده تسده
اقول انت اللي بعذابي تماديت =اما احتفظ بالقلب والا ترده
لازارني طيفك على الفور مديت =نبض الفؤاد ونبض من هو يوده
لولا الحيا يالغاليه جيت للبيت =لو هو مكانك صايرن بعد جده
وارفع ايميني لك تحيه يابالفيت=واقول قلبي مابقى فيه شده

شعر : عبدالعزيز الرقابي الحويطي

[داعي الشوق]

صح لسااااااااااااانك مليووووووووون يالشاعر المبدع

ابيات جدا جميلة

كـ حضورك الجميل دائما

تقديري لك

و صح لسااااااااانك

************

[الراقي]

صح لسانك

ابدااااااااااااااااااااااااااع

قصيده عذبه

وكلمات جميله

ابدعت وامتعت
..........

[حوريه]

صح لسانك ياعبدلعزيز
وبيض الله وجهك
قصيدة جميله
تقديري لك

[عبدالعزيز العمار]

عبدالعزيز الرقابي

صح لسانك وفكرك وجاد بيانك

جميل ورائع في طرحك

تحياتي وتقديري

[عبدالإله]

نص اكثر من رائع

صح لسانك ملايين

ولا عدمناك

[الخنساء]

صح لسانك مليووووون
قصيدة جزلة من شاعر متمكن
سلمت ودام حرفك

[الطائر المهاجر]

جزل ومبدع
صح لسانك وقلبك
ولا هان راسك
تحياتي

[منيع]

اكثر من رائعة
تسلم اخي الكريم
شكرا لك ولحرفك المميز
تحياتي

[عمر ال شيبي]

صح لسانك طيبه من طيب

وشكرا لمشاعرك