بيني وبينك عهد (حب الوطن)

[الطائر المهاجر]

بيني وبينك عهد ما نيب ناسيه= عهد الوفاء والحب طيلة حياتي
وبيني وبينك وعد لابد ما اوفيه = اني ادافع عنك حتى المماتي
ياديرتي والحب في القلب يحييه = ينطق بحبك في جميع اللغاتي
احسه بقلبي مع الدم يرويه = واحسه بروحي كياني وذاتي
انتي فرضتي الحب والقلب شاريه= بافعالك اللي تنطق الراسياتي
حبيبتي والفعل لايمكن احصيه = ياصعب تعداده على الحاسباتي
يشهد لك التاريخ والحق يهديه= يقول انتي آية المنجزاتي
ياديرتي والحب لا يمكن اخفيه= يعلمه ربي عالم الخافياتي
حبك معي في القلب دايم الاقيه= في صحوتي في نومتي في غفاتي
دايم احسه واسمعه ثم اناديه= مجنون ليلى ما يسوي سواتي
حنا عيالك ما تقولين لبّيه= نفداك بالغالي نرد الغزاتي
حنا معك في الخير والشرننهيه= نبيك فوق سهيل والساهراتي
يمه ترى حب الوطن دوم نغليه= تاريخنا معروف سهل وسراتي
حب الوطن ماهوب بالهرج نبنيه=ولاهوب نثر وشعر او اغنياتي
حب الوطن ايمان والدين يمليه= وطاعة ولي الأمر في الموجباتي
وحب الوطن قولٍ وفعلٍ يوازيه= اخلاص في جدٍ وصدق النياتي
ضمير حيٍ يرفض الشر يغريه=ويرفض دروب الشك والمغرياتي
وحب الوطن انك من القلب تعطيه= في كل صدق بالفقر والغناتي
وحب الوطن انّك الى المجد تعليه = والكل في دربه لمجده بناتي
وحب الوطن دمٍ على الأرض نرهيه= نفداه بالأرواح حتى المماتي
هذا الوطن بالروح والعمر نفديه= وهذا الوطن حبه بدمي وذاتي

[الأموره]

المهآجر ..~

مآ أعظمه من حب هو حب الوطن ..~

حب له طعم مختلف ..~

هطول رائع بروعتك ..~

صح لسـآنك ملآيين ..~

سلمت و سلم فكرك ..~

ألف شكر لك ..~

دمت برعآية الخالق ..~

[روز القصيم]

صح لسانك <<<<<<<<<<

[محمد عبدالله البدراني]

ابو عبدالله

الف الف الف الف مليووووووون مليوووووووون صح السانك


وعلا شانك يابو عبدالله



قلت واجزلت


لاعدمناك


تحيتي وتقديري

[الطامي]

الطائر
الله عليها
صح السانك وفكرك
وافية جدا لافض فوك
شكرا لك

[نفحات حساسة]

يعطيك العافيه وصح الله لسانك
ولاهنت..تقبل مرورى ولى عوده

[الطائر المهاجر]

كل عام والوطن بألف خير ورفاه وتقدم

[منيع]

ابيات رائعة في وطن ستحق الاشادة
شكرا لك
تحياتي

[داعي الشوق]

هذا الوطن بالروح والعمر نفديه
.. وهذا الوطن حبه بدمي وذاتي

صح لساانك وفكرك

ودام عز وطنا بخير وسلام

[الطائر المهاجر]

شكرا منيع
على كريم المتابعه
لاهنت
تحياتي