حبيت شايب ..ليه(بالصوت)

[الطائر المهاجر]

بصوت خاز باز

حبيت شايب لا تقـولون لي ليـه = لقيت عنده ما أبي العزّ والجاه
حصّلت كل الحبّ من قلب يعطيـه = هو حبّي الاول ولاخر وانا افداه
قرب على التسعين لا شي يشكيـه = سلفه يـدّق بلا اشتراكٍ وتحمـاه
مهمـا طلبته قـال حاضر ولبّيـه = يركض على شاني ولا همّه شراه
لـو هو لبن عصفور لابـدّ لاقيه = يفـرح اذا من قلت يارب تجزاه
وان ضاق صدري بان حزنه بعينيه = ورحت اتمشى فيالبساتين وايّـاه
يجمع لي أجمل ورد من نقوة ايديه = والشوك عن دربي يشيله بيمنـاه
واذا رجعنـا البيت فالأنس يحييه= شال الهجيني والرقص دوم يهواه
وان كان ابي "ديسكو" فلا هوب خافيه= "البريك داون" يضبطه ما تعنّاه
يا بنت خـوذي شـايبٍ لا تعـدّيه = خـاتم بيدّك والمخـاليق تخشاه
وش لك بورعٍ تايـهٍ في مفـاليه = اما سهر والا دشــاره وبلـواه
والا فقيـرٍ راتبـك ما يخـلّيـه = والا غني والبخـل دوم بخطـاه
والا مطـوع وحــدةٍ ما تكفيّـه = ولو هي وحيده تنتهي من سواياه
قضبة عمى يا ويل من طاح بيديه= فسيـارته من كثر كـرفه تشكّاه
ولا تاخذي شاعرترى العشق يغريه = يا سـرع ما يقلب لحبٍ تحـرّاه
ولا تقبـلي راعي "تداول" وتشريه = فكـره مع الاسهم عشيقٍ وليلاه
فالشـايب اللي كبر جـدّك تمنّيـه = لـو قدّر الله مات فالورث ذكراه
من بعـدها تشرين زوجٍ وتغنيـه = دام الشباب اليـوم فقره توطّـاه
ويصير لك ظـلٍ وطفلٍ تربّيـه = برويتبٍ مثل الموظف ولا احلاه

الله عليك يالطائر المهاجر

فكرة جميلة لو جاني شايب بتزوجه

هههههههههههههههههههههههههههه

وصح لسانك ولاهنت

دام حرفك ... يجسد نبضك


بنت الجروح

[الطائر المهاجر]

اجل من حظك الخطابه ام علي في المنتدى تشوف لك طلباتك توها منزله الترحيب بكم

[وجدان القلوب]

صح لسانك ,,

تعليق:
بس في بنات أعمارهم في ال20 يبون يتزوجون ناس كبار بالعمر,,(حقيقه)
ومثال على هذا بنت عمتي زواجها( بالعطله هذي) بشاب أكبر منها بسنتين تقريبا ,وهي لو بيدها ماأخذت إلا واحد كبير في ال40 مثلا
بس أحسه شي مو منطقي أبدا.. إذا خلفت بيكون أول طفل لها إذا صار عمره 10 سنوات إلا الأب في قبره.. وهذا فيه ظلم للأطفال..

[الطائر المهاجر]

بعض الشياب نلقاه يطق الميه ويدفن حرمته اللي بينها وبينه 40 سنه
فالأعمار بيد الله

[وجدان القلوب]

صح الأعمار بيد الله.. بس حتى أفكار الجيل هذا غير اللي قبله أصلا صار اللي أكبر منك مثلا ب5سنوات كأنه بجيل ثاني..مهما كان..


إلا أقول المشرف شكلك ناوي بنيه خخخخخخخخخخخخخ..

[الطائر المهاجر]

الشايب اللي وصفته في القصيدة عملة نادرة
يكفي انه يجيد "البريك داون" وهي من اصعب الرقصات الغربية في الديسكو ،
فهذا الشعر الكوميدي ، يحاول أن يعالج مشكلة معينة ، فيوجه الفتاة لمن يصلح لها
ومن لايصلح ، ويركز على مشكلة الشباب الذي يعيش عالة على اهله ، فلا وظيفة
وتركيزه على البنت التي لها راتب حتى يكون عالة عليها...
فالشعر ليس بالضرورة بوح للشاعر ..
تحياتي

[نسناس الهوى]

هههههههه
الله يوسع صدرك يابو عبدالله .. مع الكوميديه اللي تخللت الأبيات
الا انها منبع للحكم .. والدقات على قولتك ..
بس ماضيّق صدري الا هالبيت ..

ولا تاخذي شاعرترى العشق يغريـه = يا سرع مـا يقلـب لحـبٍ تحـرّاه

وردي عليه ..

الشاعر اللي يكتب البيت يقفيه = في عشق حبه ما يداني لفرقاه

وصح لسانك ولاهنت ..

[الطائر المهاجر]

والا مطـوع وحـدةٍ مـا تكفـيّـه
ولو هي وحيده تنتهي مـن سوايـاه
قضبة عمى يا ويل من طاح بيديـه
فسيارته مـن كثـر كرفـه تشكّـاه

بلاك ما تدري وش صار لي مع المطاوعة على هالبيتين!!!

[الخنساء]

فالشايب اللـي كبـر جـدّك تمنّيـه
لو قـدّر الله مـات فالـورث ذكـراه
من بعدهـا تشريـن زوجٍ وتغنيـه
دام الشبـاب اليـوم فقـره توطّـاه
صح لسانك مشرفنا رائعه جدا
ولكن صعب جدا الفارق الكبير
بالسن خصوصااذا الشايب لديه
ابناء حتي لوكان الشايب
طيب تقع المشكله من الابناء
سلمت وسلم شعرك ووسع الله صدرك
تحياتي