صار الزحام اليوم اكبر مصيبه

[الطائر المهاجر]

صار الزحام اليوم اكبر مصيبه= من وين ما تمشي تنكّد من السيل
كلٍ معه موتر ولو خلي جيبه = وانا معي دتسن ولا عاد بي حيل
امشي على هوني بحالٍ صعيبه= قدام من يسرع ولا هاب دربيل
شباب واجنابٍ تسابق بريبه= مع كشخة السيارات والكل تظليل
وإلا تريله ما وراها تجيبه = وقلاّب طاير في يدين المهابيل
ارجع الى داري ونفسي كئيبه= واقول يكفي ما اشوفه من الميل
لاصرت عاقل في الرياض الحبيبه= تحتاج دبابه لكل المواصيل
والشاطر اللي يقربك في خضيبه= فيها دواء للي بوضع المساطيل
ولا غرقت العالم بهمله وسيبه= تمشي تندح ماتهاب المداخيل
بانفاق تغرق من سلكها بطيبه= ما يدري ان الموت فيها مع السيل
ولا بحث موضوع الغرق من قريبه= كلٍ طلع منها بشتى التعاليل
لو هو بيدي لاعطي الشرع هيبه= نفسٍ بنفس بدون ادنات تأجيل
هذي امانه من حملها نثيبه = ومنهو هملها واجبٍ فيه تنكيل

[منيع]

صدقت وابدعت
والسيول افضحت بعض المتلاعبين
تحياتي لكم

[عبير الورد]

الله الله
صح لسااااااااااااانك ملياااااااااارات
وسلم منطوقك الجزل ربي يعطيك العافيه

[حي الضمير]

صح لساااانك يابوعبدالله قصيده رائعه وتحكي واقعنا المؤلم

وترى الضحية دائمآ ترمى على الصغار الموظفين بكلمة ليش وليش وماليش
والا كبار المسئولين من الــ 13 الى وزير كلهم ملاك حسبنا الله عليهم
وهم اللي مضيعين البلد

[حماد عياد الحويطي]

صح لسانك ياابوعبدالله والله يعينك على الدتسن هههه
طرح ساخر لاهنت ولاهان منطوقك
كل الود

[داعي الشوق]

هذي امانـه مـن حملهـا نثيبـه = ومنهو هملها واجبٍ فيـه تنكيـل

عزالله انك صدقت يا بو عبدالله

صح لساانك مليوووووون

وبيض الله وجهك

ولاهنت

***********

[عيدالماجد]

صح لسانك ابو عبدالله فعلا حياتنا كلها صارت زحام بكل شي الله المستعان

[شجون القصيد]

الله ااااااااااااااااالله

صح لسانك طائرنا المهاجر رااااااائعه وساخره

بس خل الددسن وخذ لك وايت حتى يهابونك المهبل

ابيات راائعه لافض فوك

تحياتي

[حرف وشعر]

الله يعين ياابوعبدالله


واللي جاي والعالم الله انه اشنع


شكري واحترامي لقلمك

[الـزلـزال]

الطائر المهاجر

نص مميز ومتقن وهادف وفي الصميم

من شاعر متمكن وهادف في كل مايقدمة

تطرقت للموضوع بكل تميز وجداره

غير مستغرب على مثلك التميز والإنفراد

حلق وحلق ونحن لنا الأستمتاع بتحليقك الشعري

صح لسانك ملايين ملايين


ولك فائق تحياتي وتقديري