آآهـ يا كبر القهر

[الخنساء]

( للشاعر محمد جار الله السهلي )



آآهـ يا كبر القهر لا صار ما باليد حيله..
والجروح من( القــرايب ) والخطا مني وفيني !!



ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنه يميني ؟!



وان نوت تبكي عيوني صارت ( الدمعــهـ ) بخيله !!
يآكبرها لامن تجمـــع هم قلبـــي وهم عيــني..



ياهمـــوماً بي تعدت حدهـا صارت ثقيلــهـ ..
اخذي مني كم ســؤال ولو سمــحتي جاوبيني..



ليه من بعد ( الوفـــاء والطيــب ) وفعولاً جليله ..
من يدين اللي حشمته أول طعـــوني تجيني ؟؟



وليه لاضاق الفضــا في عيــن من خانه دخيله ..
مالقيت الا (المــلامه) انتهيها وتبديني ؟



ياهمومي ياجــروحي يا صدى الروح العليله ..
والله ان الـــظــلم قهره قيّد لسانـــي ويديني !!



يوم قيل ناظر حسودك زاد في قوله وقيله ..
ما طــرالي غير قولت آآآخ يا دنيــا ارحميني ..



ان تكلمت وحـــكيت وجبت برهاني ودليله ..
ما تضــرر كود منهو قد لفانــي منتخيني !!



وان سكــت وقلت هانــت هــم وسنيني تزيله ..
اكتشفت ان ( السنين ) تزول والهم محتويني !!



بس لجــل اللي انتخى في جد جــدي والقبيله ..
والله اني لاشــرب المــر واتحــمل ما يجيني..



ودام ما بالكون ( صــدراً ) ارتمي به واشتكيله ..
ودام مابــه عين تقـــرى حزني اللي مبتليني !!


ما لي الا بيت شـــعراً اذكــره في كل ليله ..
لا انتهى جـــدال المعاتــب بين قلبي وبين عيني .





لااعر ف اسم الشاعر ولكن روعتها وترجمتها لواقع الكثير

[كظيم]

قصيــدة في قمــة الــروعـــه
سلمتـي علـى هـذا النقـل الطيب
ينطيك ِ العــافيـــه
كل ودي وتقديري

[داعي الشوق]

قصيدة طيبة يالخنساء

و معبرة بالحيل و جزلة ،، أعجبتني والله

بس دوري من هي له ترا بتحذف من المشرفين ،

مع التقير لك و لجهودك *

[روح الشعر]

اشكرك على الننقل

لا هنتي

صح لسان شاعرها

[الطامي]

الخنساء
صح السان شاعرها
ولاهان من نقل
ومثلي مثل داعي بدون ذكر الشاعر لابد ان تنقل او تحذف
شكرال كي اختي

[الخنساء]

شكرا اخى كظيم

لاهنت لمرورك الرااائع

[الخنساء]

شكرا اخى الشاعر داعى

لاهنت لمرورك الكريم ولكن حقيقه

بحثت ولم اجد اسم الشاعر فهل من مساعد

[الخنساء]

شكرا اخى الشاعر الطامى

لمرورك ولاهنت

بس ماعرفت الشاعر

[داعي الشوق]

تم اضافته يالخنساء

مع الشكر و التقدير لك

[الخنساء]

الف مليون شكرا اخى الشاعر داعى

لاهنت وشكرا لتعاونك

دام حرفك