زواج فــــــــــــرصة !!!

[احمد الجريفاني]

اذا وهب لك وال الاقدار غالي=يمسح دموع العين من فوق خدك
يسهر معك في مظلمات الليالي=ويشاطرك همك وبلواك ، سدك
وش لك بغيره من بنات الحلالي=وحده تحبك غير ثنتين ضدك
عطها حنانك واكرمه با الدلالي=تراه تخلص لك وتحفظ لسدك
بنت الحموله ما بطيبه جدالي=لا طبت با اصناف المكارم تمدك
لاصارت امه من بنات الرجالي=لو هد حيله خدمتك ما تهدك
بناتنا ما ندعي با الكمالي=اطيب من اللي هرجهن ، ويش بدك
بهن التقى والمرحمه والجمالي=ويقدرن ظرفك وصرفك وكدك
يعرفن همومك بليا سوالي=ودك تجرب غيرهن ، مين ردك ؟
لا تدعي بظروف مهر وتوالي=وتروح تاخذ وحدتن ما تودك
شرت فلوسك ماهو لجلك مثالي=رمت ولد عمه وطمعت بيدك
لو تساله وش نظرتك في خصالي؟=قالت حبيبي اعشقك مين قدك!
ولو يوم ما يصبح بجيبك ريالي=قالت يا ولد الناس حدي وحدك
تبدأ تمرمط بك يمين وشمالي=مثل الخدم لا بنك ابوه تعدك
(زواج فرصه) مرجعه للزوالي= عسى الآهي يا فتى لا يحدك

[داعي الشوق]

صح لساااااااااااااااانك يا بو فراس

و الله يكون بعونك على ردة الفعل المتوقعه ،

و الحريم ما هن سواء لو تشابهن

وصح لسانك يالشاعر

ولاهنت ،،

[جهاد الشعلان]

صح لسانك اخوي

قصيده رائعه

تبـدأ تمرمـط بـك يمـيـن وشمـالـي &مـثـل الـخـدم لا بنـنـك ابــوه تـعـدك

وش معنى ( لابننك ) ؟

لاهنت يالغالي

تقبل مروري

[الطائر المهاجر]

ما يهرول الذيب عبث
صح لسانك
ولاهنت
تحياتي

[عمر ال شيبي]

قويه بالحيل

صح لسانك لا هنت

[عبدالله الدخيل]

احمد الجريفاني

صح لسانك وبارك الله فيك
قصيده جزله من جزل

واقبل
ودي واحترامي

[الخنساء]

صح لسانك مليوووون ولايكفوووون

قصيدة جزلة من شاعر متمكن

سلمت ودام حرفك

[حوريه]

صح لسانك ودام احساسك
رائعه من رائع ومتجدد الأبداع
تقديلري لك

[ماهربخيت الجهني]

قصيده جميله وجزله من شاعر جزل

[الـزلـزال]

أحمد الجريفاني

نص مميز ومتقن وجميل
من شاعر متميز في كل حالاته
أبدعت وأمتعت شاعرنا المميز العذب
دمت بسلام ودام لنا حرفك الراقي
صح لسانك ملايين ملايين
ولك فائق تحياتي وتقديري