يقول البعض وين شعر الغزل يافلان

[الطائر المهاجر]

يقولون لي وين شعر الغزل يافلان= واقول الغزل ما حتاج شعري لتسويقه
انا الشاعر اللي ضاع عمره مع القيفان= وزمان الغزل والحب ولّت طواريقه
فهذا زمان الفكر والنصح للعربان = فلاني بشعري من يغرر مخاليقه
اقدّم نصيحة من حياتي بلا أثمان= بدينٍ وعلمٍٍٍ صادقٍ من مواثيقه
اعالج مشاكل ظاهره في زمن خربان= ووجّه صغير السن والنايم افيقه
وقصيد المحبة يكتبه واحدٍ هيمان= ونا ثابتٍ لو انطلق مع مطاليقه
ويقولون مثّل بالهوى واكتب الا لحان= ونا مااعرف التمثل ولا لي بتلفيقه
ترى الناس ملت من "أحبك" ونا ولهان= تبي اللي يطلّع همها من صناديقه
تبي من يعبّر عن مشاعر وعن أحزان= وعن حال تجلب للملا الهم والضيقه
تبي حر ما يخشى سوى الواحد الديّان= يقول الصراحه ويرجي الله توفيقه
وهذا طريقي ما أبي شكر أو عرفان= ومن قال ما يصلح فلا احتاج تصديقه

[الأموره]

اقدّم نصيحة مـن حياتـي بـلا أثمـان
بديـنٍ وعلـمٍٍٍ صـادقٍ مـن مواثيقـه

~~~~~


تبي من يعبّر عن مشاعر وعن أحـزان
وعن حال تجلب للملا الهـم والضيقـه
تبي حر ما يخشى سوى الواحد الديّـان
يقول الصراحـه ويرجـي الله توفيقـه
وهذا طريقي ما أبي شكـر أو عرفـان
ومن قال ما يصلح فلا احتـاج تصديقـه

المهآجـر ،،

في كملـة وجدت حقيقه ،،

يالعذوبة حرفك و روعه قلمك ،،

صح لسانك ملايين

سلمت و سلم فكرك

الف شكر لك

دمت برعاية الخالق

[الطائر المهاجر]

شكرا الأموره
على كريم المتابعه
لاهنتي
تحياتي

[القارظ العنزي]

ترى العواطف ما بها عيب .. يا فلان
لو العواطف مع الايام ...... مسحوقة
جدد حياتك وانطلق كنك .. .. حصان
والا شيهان بالعرب قطع ...... سبوقه
وترى الغزل بالزين للقرم .. .. عنوان
منه نتعلم ونشل بالدرب ..... طاروقه
وش ظنك بيه كاني اليوم .... غلطان
ستين عمري او تقصر ايام ملحوقة
وخلذيت بنت تجعل القلب .... فرحان
ولولا الغزل ما شفت بالبيض مخلوقة
لولاها ميت ما بين العجز ..... غرقان
والنفس من شين الانفاس .. مخنوقة

[عبدالله الشويمان]

صح لسانك يابو عبدالله..

ابيات هادفة وفيت وكفيت

[الطامي]

صح السانك على الابداع المميز
ولاهنت دكتور

[منيع]

اجدت وابدعت يادكتور
شكرا لك
تحياتي