وظلم ذوي القربى اشد المظالم

[ماجد المهدي]

مساكم الله بالخير

وكالعادة فهي (( كيبوردية ))

وهي في الاصل كانت بالفصحى فاحببت ان اجعلها بالنبطي

ألا يا جرحي النازف ألا يا خاطري المدمور=خذلنا من وثقنا به وهو من اعظم الخلان
على طاري مقولة شاعر الفصحى وهو مقهور=وظلمٍ من ذوي القربى اشد المظلمه يا فلان
رماني بسهمي الغالي وتغلغل في قليبي يفور=وليته سهم عذالي اصاب المعصم وقد هان
فكم من جرح يا صاحٍ نسينا دمه المهدور=وكم من جرح يا صاحٍ صعب ننساه لو ما بان
حذاري راعي الوجهين يسمع كلمته بغرور=واشنع يوم يتلوها بعذب اللحن والقيفان
حذاري نشتري ظنه ونجعل خافقه مسرور=نبيع اللي شرانا صدق ما فكر باي اثمان
حذاري نمحي الماضي بسبة غلطة المطيور=وتصبح صفحة افضاله يتيمه في غضى النسيان
فما كل الذي ياتي بخيرٍ صادق المعطور=وهو اللي اعظم اوقاته بلاوي وللصفى خوان
وما كل الذي ياتي بشرٍ قد دنى بالجور=لعله ما حسب قوله نجازيه بهوى الكفران!!
لعمري ما لعمري في ليالي مذبله لزهور=سكنها الذل والحسره وصارت مملكة عميان
لعمري احتوى الدنيا نفاق واحتواها شرور=وصاروا اهلها دمية بيدين الطفلة الشيطان

وسلامتكم

تحياتي للجميع

ماجد المهدي

[الصريح العتيبي]

الاخ/ماجد المهدي0000000000سلمه الله
صح لسانك
دمت بخير

[الطائر المهاجر]

ألا يا جرحي النازف ألا يا خاطـري المدمـور
خذلنا من وثقنا به وهو مـن اعظـم الخـلان

تركد في الرمي واصبر ولا تصبح كما المطيور = ترى حكم العجل يرث خساره مالها حسبان
وواجه ناقل الهرجه بخصمه تكشف المستور = فكم من هرجة فيها الخطا من صاحب تعبان

صح لسانك وفكرك
ولا هان راسك
تحياتي

[العمده]

صح لسانك وأصعب المظالم لاجت من قريب

[حمد العيد]

القدير/ ماجد المهدي

كتبت فابدعت هنا وفي هذا المتصفح عانقنا الجمال والابداع

لاهنت وصح لسانك

ودي وتقديري

حمد العيد

[ابومياس]

ماجد المهدي

لاتعليق يليق بما تعلى الهرم

قصيدة رائعة

ولكن بها من الاسى الشي الكثير

لاتاسف اخي

فماتاتيك العله الا من قريب

صح لسانك ودام حرفك

دمت بخير

[طلال سويعد]

صح نبضك
رائع
ياماجد


دمت بكل الود

[عيد مشعل]

صح لسانك

جزله من شاعر جزل

تحياتي

[ماجد الزيد]

صح الله السانك يالسمي وجاد بنانك
رائعة من رائع لانستغرب منه الابداع
كم هي جميلة وعاتبه ولكن اسمع شور
ابو عبدالله

تقبل ودي وتقديري واحترامي الفائق لك يالسمي

[مبروك بن ماضي]

الاخ الكريم الشاعر / ماجد المهدي
ما أجمل الوقوف على عتبات كلمات
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي