الملعبه يا أهلها ..

[الطائر المهاجر]

حج الحجيج وعودوا بالسلامه = احد كسب حجه واحد كاسب فلوس
ولا ادري حديهم صاحب له مقامه= له في الفطاحل مرقب عالي الروس

يامرحبا ياللي قليلن كلامه=الصاحب اللي يرفع البيت ويدوس
ياللي على المسحوب كارب حزامه=هذي علامه وانت قد قيل ملبوس

[الطائر المهاجر]

ويامسهلا باللي وجوب احترامه = نسل الرجال اللي لهم فعل مدروس
حمر النواظر كاسبين الشهامه = من جد معروف به الباس مغروس

ابك البقاء ياللي عرفنا نظامه=الشاعر اللي مالعب طرق منكوس
لا ماعليكم زود ياهل الزعامه=شاعر محنك وانقراء البيت متروس

[بنت القصيد]

بدايه رووعه
وااصلوووووووو الله لايهينكم
بيض الله وجيكم .......


اختك بنت القصيد ........

[الطائر المهاجر]

انشدك عن رجل تكدر منامه = شاف القمر والشمس والكون منكوس
يومن توقظ واثر حوله حمامه = تنوح فوق الغصن والغصن محروس

بطن الجمل معروف عرفته سنامه=ماهي ربابه يافتى مالها قوس
فدوه ولكن قدمكم لا القيامه=لاعدتها معاد تلقى بك ظروس

[الطائر المهاجر]

قالت سلام وقلت وين السلامه = الراس شاب ووقتنا صار منحوس
وان جيت ابشكي قيل ماله علامه= الشيخ راضي وانتبه غز دبوس

لاصار جسمن ماتشيله عظامه=خله عساه يدوم في وضعة إجلوس
مانته سوات اللي شكى من غرامه=تكرم ولكن انتبه حدت الموس

[الطائر المهاجر]

الزرع ما يطلع بصبخة تهامه = والتمر لابطى فانتبه داخله سوس
والقلب لو يعشق مرده ندامه= كم من عشيق صار فالهم محبوس