العودة   منتديات الفطاحله > منتديات الشعر النبطي/يمنع الفيديو > رواد الشعر النبطي

إضافة رد
 
أدوات الموضوع
قديم 10-06-2012, 01:18 PM   رقم المشاركة : 1
عبدالعزيز-
مشارك





معلومات إضافية
  النقاط : 10
  الحالة :عبدالعزيز- غير متواجد حالياً

 

افتراضي وقفه مع علم الشاعر محمد العلى العرفج


قال الشاعر الكبير محمد العبدالله القاضي التميمي
يسند على الشاعر محمد العلي العرفج التميمي :




البارحة يـوم المخاليـق ضلـوا=نيام والهاجـوس بالقلـب فاجـا
أركبت ربعٍ فوق الانضـا تعلـوا=عيرات يطون موحشات الزراجـا
من جورة الفيحا بليـل استقلـوا=والصبح عند الليث سفر الحجاجا
ابو زيد مقدمهم لا غابـوا اللـوا=وقربت خطى ربعه وكثر المناجـا
يثني خلاف الربع إلى ما استذلوا=ربعه إلى ثار الدخـن والعجاجـا
عيد الهجافا ريفهـم وان تحلـوا=زوله عقب قطع الخرم والفجاجـا
عد يجونـه مـن بعيـدٍ وملـوا=صملانهم لانش حطـوا لهماجـا
عطوه خطي واسمعـوا لا تملـوا=وقولوا عشيرك فيه مثل الخلاجـا
على الذي بين المعاليـق ذلـوا=وبدر البها في غرتـه كالسراجـا
ونهـود كالرمـان للثـوب قلـوا=وبدر الدجا له بالحجاج التعاجـا
ولفه محين داخل القلـب خلـوا=رمح الهوى من بين الأضلاع لاجا
ياما انهلوا زرعٍ بقلبـي وعلـوا=وياما دهانـي بالمعايـا ولاجـا
وياما خطف قلب الهواوي وشلوا=جيش الشقا والهجر وقل المراجا
للروح ياريف المراميـل سلـوا=بالعون جافينـي ظبـي الزراجـا
يابو علـي حبـان قلبـي تغلـوا=وتبدلوا بالصـد عقـب المعاجـا
ولاقط فينا يانهـا السـد جلـوا=ولا ايحم المجمول من له تلاجـا
مصيونـةٍ كـل الملامـا تحلـوا=زوله ولا يوم على الشين عاجـا
دونه شغاميـمٍ عصـاتٍ وسلـوا=حدبٍ مضاريبـه لهـن انثجاجـا
افزع لمشغـوفٍ قواديـه ضلـوا=وانا امتحنت وصاحبـي باتهاجـا
جرحي عنه كل الدخاتيـر كلـوا=وانـت لجـرح قلبـي عـلاجـا
افزع لمن له يافتى الجود خلـوا=قلبه لميـدان العـذارى مداجـا


فردّ عليه ابو زيد مرتجلاً هذه الابيات :

حي الجواب وحي من عوسر اللوا=حيه عدد ما ساج باليـم ساجـا
أو عد ما هلـت مـزون وهلـوا=اهل السخا والجود بالضيف لي جا
ترحيب احلى من حليـب وتلـوا=سكر نبات ذوب شاهـي وكاجـا
وابها من العنبر مع اللي تفلـوا=والذ مـن در البكـار العساجـا
عذب النبا كان النشاشيـد كلـوا=عسار للقيفان مـا كـان عاجـا
عدل الغرايب من ضميـر تحلـوا=مثل المطر بامر الولي باندراجـا
عينيك باللي يوم جا الـب هلـوا=ولا خير باللي ما يهلي إلـى جـا
عسلوجة مامنه الادحـاش علـوا=فعد انهوده مثل بيـض الدجاجـا
إن كان اهل عدم الوصايف تغلوا=سقنا لهم ما كان ناجد ومـا جـا
فان كان مالك يافتى الجود اجلـوا=ابشر بصبيـان امنـاه العلاجـا
إلى ثار مثلوث الـدوا واستقلـوا=كم راس شيخ عن علابيه ما جـا
كم اطلقوا من عيطموس وخلـوا=شوقه عليه امسلهب الريش راجا
ما قل دل وما كثـر منـه ملـوا=والهرج كثره يالقطامـي سماجـا



تحياتي للجميع







توقيع عبدالعزيز-
 
  رد مع اقتباس
قديم 10-06-2012, 01:20 PM   رقم المشاركة : 2
عبدالعزيز-
مشارك





معلومات إضافية
  النقاط : 10
  الحالة :عبدالعزيز- غير متواجد حالياً

 

افتراضي رد: وقفه مع علم الشاعر محمد العلى العرفج


ارجـــــــــــــو من الجميع ذكر قصايدالشاعر الكبير محمد العرفـــــــــــــج فهو بحق علــــــــــــــــــــــــــــ ـــــم







توقيع عبدالعزيز-
 
  رد مع اقتباس
قديم 10-06-2012, 01:23 PM   رقم المشاركة : 3
عبدالعزيز-
مشارك





معلومات إضافية
  النقاط : 10
  الحالة :عبدالعزيز- غير متواجد حالياً

 

افتراضي رد: وقفه مع علم الشاعر محمد العلى العرفج


يقول الأميـر محمد بن علي العرفج في أحد قصائدة :



ياعين من فرقا المحبين هلي
دمع كما جمر الخلاص أشتعاله
نوحي وهلي وأرعدي وأستهلي
من ناظر ولا من حقوق خياله
وامن الولع وامصارم الوجد تلي
من حاير المكنون فضي مجاله
هاتي وهلي ماذخرتي على اللي
بدر الدجى ماله يشابه جماله
ذباح ينعش وأن تبسم رضا لي
وأن صد وأقفا حرق الجفن جاله
نفاح رز هوا لي هوا لي
والقلب يألف من وصاله دلاله
للروح يسبي سيد جيله ويسلي
بالشف لو حالي حوت لام حاله
أبرد غليل الروح وأنهل وأعلي
من مبسم ماكدر أشفاه واله
كدور غرامي ذبله وحير للي
ماله بطرد الغي والقاه قاله
حبه سجني بين دق وجلي
إن قلت حيه رد منوال حاله
رحب وحيا مثل ماني بهلي
فان رمت حاله قال ياذا محاله
الله لحد رزن اللحد مافطنلي
حي رحوم يرعوي حالي ذاله
عذبت لا ميت بالأجداث خلي
ولا حي يرجى حي لا ماوصاله
مجمول مقبول الظرف والتغلي
مدلول معسول أيفطر خياله
وضاح فضاح الستير المحلي
مزاح طياح التهادي سلاله
عجاب لعاب الحشا بالتحلي
لعاب شعاب الهوى له كماله
زين أضا زين حوى لزين جلي
من صوره يقدر عزيز جلاله
نور أضا نور مع الحور خلي
برق أبتسامه طمس شمس الدلاله
فلي تخنطل نور حيه بدلي
ويسحب الثياب الغنى مشي الرفاله
سل الضماير سيد الأتراب سلي
وابداحه المشتاق باله عداله
غدنان ريان الغصن طربة لي
حاوي ثلاث أخصال تمن خصاله
غرو عن المطعون هرجه يسلي
ويبهج حشا الضامي أمعسل أزلاله
وأخلاف ذا ماجاش بالجاش خلي
زفر طفر يهتاش من ما جراله
من هجر هجار النياصح ذلي
فريت العين الله رجا من شكاله
مير الشكايا ياملا ثم للي
مثل الشهد عذب سعد من لجاله
وسم ولو شان الدهر وأشفحلي
زاد الندى عرق الندا بالنداله
غبط الرسا للضيف ريف المحلي
من جاه قبل يراه قدم هلاله
الليث أخو طرفا عن الشمس ظلي
منه النيا من ساق درب النياله
عمال بتال الهواجيس باللي
حاز القباله والرضا والسهاله
واجران فاه إن جر قلبي رجالي
يجعل بهن العز ساله تناله
لمن وليت أسفارة الحي خلي
مشتاق وأحياني معاني قباله
أعفر عفر بدر الدجا يسر اللي
عقب السهاله بادرن بالجباله
سمح المحيا لو يراه المصلي
يامسندي عقب الديانه بداله
أريا مع أريا لو تجلد يزلي
يامنتهى الشكوى ياراعى جلاله
يامسندي ياروح الأجساد كلي
أعزم وزم أمر الشقا مابقاله
من حاله اللي غلها زاد غلي
قم سر يا فرز الوغى بالدواله
خيتك لبيب اللي تداوي عزا لي
حب سبا عذب النبا روح باله
فان قيل ياعيد المراميل ذالي
للفرج هجر يالقطامي حلاله
يامن بطيحات الدهر مسند لي
تم الجواب ونظم رائي تلاله
وأزكا صلاة مع سلام على اللي
حن الحجر من صفوته ياملاله
بحــــــــــــــــــــــــــــ ــــــــــــــــــــــــــــــ ــق دره من درر القصيـــــــــــــــــــــــــ ــــد







توقيع عبدالعزيز-
 
  رد مع اقتباس
قديم 10-06-2012, 01:28 PM   رقم المشاركة : 4
عبدالعزيز-
مشارك





معلومات إضافية
  النقاط : 10
  الحالة :عبدالعزيز- غير متواجد حالياً

 

افتراضي رد: وقفه مع علم الشاعر محمد العلى العرفج


باح العزا مني وضاقت سدودي
مسكين انا ياحظ قلبي نيايا
والصبر عن وادي فؤادي شردوي
والحال ينهش من حشاها حيايا
والعين ذاله عن لذيذ الرقودي
عامين عن لذة كراها تعايا
ياحول ياقلب غدا ياودودي
مثل الشبح لعيون عذب السجايا
بلوا بليت بحب تلعا عنودي
فالشمس من طلعة جبينه تهايا
لولا من اللولو بحلقه عقودي
لقول به من حور عدن حلايا
فاضح ظبي الضاح جيد وجودي
صافي الدجا من نور خده تظايا
عمهوجة ما وقفت للكرودي
مصيونة من حر لفح الرزايا
عسلوجة وابها القرايض انقودي
رعبوبة هرجه يداوي الشكايا
سكرانة بالغي غضٍ عنودي
عمهوجة من واضحات الثنايا
محلا دلوله يوم يقبل ينودي
ومن اليدق ينفح بعصم الروايا
ينساح له قلبي إلى جا يعودي
طاغي بزينه سيد حم الشفايا
يومه تبسم حين صح الرعودي
سكرت انا وياه قبل انتحايا
ياعنبر جامع اتجار الهنودي
يادرة ما قلبوها الشرايا
يدعج بغنج شف من حالي بدودي
وامن اللحم دونك عظامي عرايا
عليه سيل الدمع قرح خدودي
عاين عيوني من بكاها عمايا
يا اهل الهوى عندي ذا شهودي
كل العذارا عند زينه رزايا
بدر الزواهر بالدجا له يرودي
عندي ولا ادري عن جميع البرايا
والخشم حد امصقلات الهنودي
في كف شغموم يحل الخطايا
واعيون تسحر بالزهاهير سودي
نجل تهاوا به سهوم المنايا
ياسيدي لا تمحني بالصدودي
يرث صدودك في ضميري هوايا
ولا تطالع بي نمايم حسودي
ياسيد جيله دع هوانا هوايا
بين النواهد والحشا والعضودي
رصن عساي احيا كما انك دوايا
عقب القرايض منك حزة ازنودي
عنقه تهايف له خشوف الرزايا
اشقيتني وادعيتني تقل عودي
وازيتني واجزيتني عن كرايا
هقوتك لهموم الضماير اتزودي
لولامني من لامني ياشقايا
يازين دعنا بالطرب والسعودي
لنسج بالدنيا وخيره حكايا
ياسيد جيله ياظليل الجعودي
يازين ياسلطان تلع الصبايا
قم بالرضا لي ياعنيد النقودي
مادام في قلبي لحبك بقايا
لو في يدي مال العجم والكرودي
والشام والبصرة وملك الصرايا
سقته لمن يبرا معي في سجودي
وعروق روحي منه هافت زوايا
يالايمي تبلا برمي الركودي
كسر السلاما والصبايا حمايا
فصلين وتم القاف نظم العقودي
فصل على دال وفصل على يا





حقيقـــــــــــــــــــــه من افضل القصيد وكل ماقريتها احس اول مره اقراها فهي درة الدرر







توقيع عبدالعزيز-
 
  رد مع اقتباس
قديم 10-06-2012, 02:35 PM   رقم المشاركة : 5
داعي الشوق
سعود العتيبي /شاعر/نائب المشرف العام
 الصورة الرمزية داعي الشوق






معلومات إضافية
  النقاط : 10
  الحالة : داعي الشوق متواجد حالياً

 

افتراضي رد: وقفه مع علم الشاعر محمد العلى العرفج


يعطيك العافية أخي عبدالعزيز

قصائد جميلة جدا لشاعر كبير

لا تبخل علينا بما لديك من مخزون تراثي يا عبدالعزيز

ولاهنت







توقيع داعي الشوق
 
  رد مع اقتباس
قديم 10-06-2012, 06:18 PM   رقم المشاركة : 6
زهرة الياسمين




معلومات إضافية
  النقاط :
  الحالة :

 

افتراضي رد: وقفه مع علم الشاعر محمد العلى العرفج


يعطيك العافيه عبدالعزيز ،،، بحق قصائد رائعه ومميزه ،،، صح لسان الشاعر

تحياتي







توقيع زهرة الياسمين
 
  رد مع اقتباس
قديم 10-06-2012, 09:39 PM   رقم المشاركة : 7
عبدالعزيز-
مشارك





معلومات إضافية
  النقاط : 10
  الحالة :عبدالعزيز- غير متواجد حالياً

 

افتراضي رد: وقفه مع علم الشاعر محمد العلى العرفج


هلا بالغالين حقيقه منورين الموظوع - اخوى سعود العتيبي واختي زهرة الياسمين - ومن ذوقكم







توقيع عبدالعزيز-
 
  رد مع اقتباس
قديم 26-06-2012, 02:26 PM   رقم المشاركة : 8
حي الضمير
خالد الحمد/ شاعر/عضو شرف
 الصورة الرمزية حي الضمير





معلومات إضافية
  النقاط : 10
  الحالة :حي الضمير غير متواجد حالياً

 

افتراضي رد: وقفه مع علم الشاعر محمد العلى العرفج


نقل رائع
وبيض الله وجهك







توقيع حي الضمير
 
سبحان الله وبحمده سبحان الله العظيم
  رد مع اقتباس
قديم 28-06-2012, 08:21 AM   رقم المشاركة : 9
بنت النور
نائبة المشرف العام
 الصورة الرمزية بنت النور





معلومات إضافية
  النقاط : 10
  الحالة :بنت النور غير متواجد حالياً

 

افتراضي رد: وقفه مع علم الشاعر محمد العلى العرفج


يسلمو يعطيك العافيه

الأكثر من رايع
تحياتي الطيبه







توقيع بنت النور
 
  رد مع اقتباس
قديم 29-06-2012, 05:48 AM   رقم المشاركة : 10
عبدالرحمن الصباح
شاعر/عضو شرف





معلومات إضافية
  النقاط : 10
  الحالة :عبدالرحمن الصباح غير متواجد حالياً

 

افتراضي رد: وقفه مع علم الشاعر محمد العلى العرفج


يعطيك العافيه نقل رائع تحياتي







توقيع عبدالرحمن الصباح
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:15 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة