فــنــجـــــــــال بـــــــــــريـــه

[سعود القت]

صهرت العسر بالعسر والناس ما يدرون = وفتر الصبر واطلقت من حبله يديه
اكيض الشطط والجور ما بيح المكنون = تحت صنقرير الضرف واحايل الفيه
نشينا على در المراجل ولطم الهون = وبنيٍ مسيسٍ منه مختلت الطيه
ما غطش وقار الطيب فينا قتار الكون = صحاح الصحيح وليه ليا انقعد ليه
مع العز نرقى وانتجنب حدور الدون = هجاج السعه والضيق به ننجح الكيه
بخت من نصانا واحتسانا عصا وسنون = نفخ وقته سراجه وطفا سدر ضيه
ودك بحقاق الشوق لو كان فيه عيون = وعضه بنابه وخنقه وألزز لحيه
تيدمت من ثغر الشقا واحسبه ليمون = واثر طالة الرجال فالعزم والنيه
مدحت البخت واثنيت لو كان مامن لون = ومن حقق بشوفي لقا فيه ماريه
ورمح بجاشي ما يمارى ملاه طعون = حساني صدوفه تحصد لضامري سيه
غياهب وجيه الخوف بالاملح المشطون = يهدي وجعها حكر فنجال بريه
وشفقٍ على الطالات شفق البدو للشون = خصوصا لا صارو ما يذوقون ماهيه

[الطامي]

سعود القت
صح السانك وبنانك ولاهان رسك اخي
وافية بالحيل شاعر من شعراء عمالقة زمانهم
ومافيك حيله
شكرا لك
ولاهنت عيني

[منيع]

ابيات رائعة
بارك الله فيك
تقديري لكم

[عذب القوافي]

صح الله لسانك أخي سعود على هذه الوارفه

نص غايه غي الإتقان

تسلم يالغالي

تقديري

وفيض ودي

أخيك

:::::أبوابراهيم:::::

صح لسانك يا سعود متميز كعادتك.
تقبل جزيل الود،،،،

[الآكيد]

صح لسانك على هذه القصيده الجزله


ابيات رايعه وحروف من ذهب فلا غرابه شاعرها سعود القت


رايع

[مبروك بن ماضي]

الاخ الفاضل الشاعر / سعود القت
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[حي الضمير]

صح لسااانك ياسعود
قصيده رائعه وعوايدك ياجزل
وابدعت بارك الله فيك

صح لسانك ولاهنت

قصيده جزله منك يالجزل

لا غاب قلمك

تحياتي لك ..

[الطائر المهاجر]

كتبت فأبدعت
صح لسانك ولا هنت
تحياتي الطيبة