من الشات ليلة 26 فبراير

[الطائر المهاجر]

المهاجر =
فلاح لامن مالقى في البيت شيٍ ينشره = بدا بنفسه وابتدا بالراس من قبل القدم
قام اشتكى راسه على رجليه ويا اظفره = وجات النيابه بالعجل وحتى المحامي ماسلم
يامحكمه..عندي دفاع فالبيت هذا بطمره= لان المهاجر قد نوى يركز على راسي علم
فلاح=
ياعود من مده ترى صاحبك قفل بنشره = نبي جديد وذاك ياعثمان غارق بالقدم
ياعود وشبك كنك الليله نويت البعثره = ياصاحبي وشفيك من شرك ابد ماحد سلم
المهاجر=
عندي بناشر لو تبي وموترك بنشر بكفره= وعندي حديدٍ حاميٍ يكويك ماتحس الألم
وللستكك عندي رقع بالمتر وإلا المسطره= حاضر بحاضر انتبه لاتطيح ويزيد الألم
قشطك كما قال الصريح واجب ولامن يعذره= نجربع بساقك في بحورمن غبار ومن ظلم
فلاح=
ياعود هدي السرعه لاتدخل بوسط المعصره = حلك حنين لاتجيك القاصفات مبعثره
شفتك قبيل العصر لابس لك ثياب امشجره = تسحر عباد الله بافكارك وتزوير الفلم
المهاجر=
كنت اشتري بشت لابن مطلق ومعه المبخره= الرجال ناوي بالعرس حتى ولو ما احتلم
فهد الطلق=
العرس مالي فيه ارجوك لي لاتذكره=مالي هوى بالعرس لو انه حلم
ناوي عجوز في الرياض وناوي عجوز باسمره= وفي الاخره حصل مراده بنت من اهل الدلم
فلاح=
مبروك للمطلق وحنا لازم انا نحضره = مادام ناوي العرس فالموعد نزوره في ظلم
المهاجر=
قالت نبا فله كبيره معها دتسن وبقره= وانحاش منها والتجا لايران في ذات القمم
حط العمامه وكبرت وصارت عماره مدوره= وتثنين خذهن متعةٍ والثالثه منها سأم
فلاح=
العقم عالي واحذر انك يارفيقي تطمره = لو يزعل المطلق فمن ينقذك من جمر السلم
لمهاجر=
قال الحقي باهلش بدا فانا ماحب المسخره= ومن خمس إلى خمسين كون ثروه وصار العلم
نادا على بومياس يلحق جاه يمجي يمخطره = حرم عليه اللي فعل واصبح يعاوده الندم
واخذه للقاضي اياس وقال فعلك فشخره= يكفيك اربع يافتى وبالخامسه ما تنظلم
والنوم جاني وكتفي فالنوم مقدر اقهره= كمل يابن منشار لو ان الفرن ماقد ولم
فهد=
ياشين شين عليك صعيب والله مقشره=جنّب طريقه كان تبي جنيات الحكم
فلاح=
العود هج وشفت بعده بين الاصحاب اغبره = طردت بعده مالحقته غاب باديار العجم
الناس تهوى اليسر واما العود يبغى المعسره= واليا رمعته صار من رمعات مثلي منطرم
فهد=
ماهو بحول الزواج اشلون بالله يذكره=طاحت سنونه عسا بعمره سلم
فلاح=
ماني كما بعض العرب والبعد بكره فاحضره = انما سقيته مهل ياصاحب فقل هذا ثرم
صنداح=
الله عطاه الله من فضله لزوم يشكره = وترى المعاصي يجماعة خير ازلة للنعم
فهد=
يكفيه حقه واظن العلم رايح يستره=وان عاد ماله سوى مثله كانه محتزم

[خالد العمري]

المهاجر + فلاح + فهد + صنداح


صح الله السنتكم جميعاً وحفظكم المولى عز وجل

[الغريب]

المهاجر + فلاح + فهد + صنداح
تسلمون وصح السنتكم

صح ألسنتكم جميع
وعساكم عالقوه يارب

دمتم بخير جميعا ً

[الطامي]

المهاجر + فلاح + فهد + صنداح
صح السنتكم جميعا
ولاتقفلو البناشر
الصيف صاجي والتواير تحمى وتضرب
ههههههههههههههههههههههههه
لاهنتو وردية طيبة من طيب اهلها

[الهميم]

كتبت فأمتعت
شكراً لك
تحياتي

[اللهيب]

احسنت
ولاهنت
تحياتي

[المؤذن]

شكرا لك
على الجهد الطيب
تحياتي

[البتار]

بارك الله فيك
على ما تقوم به
احترامي

[الهامس]

بارك الله فيك
كتبت فقرأت فاستفدنا
تحياتي واحترامي