المانعية

[عبدالله الشويمان]

السلام عليكم ورحمة الله وبركاته..
اليكم هذه القصيدة اتمنى أن تحوز على اعجابكم...

قال الذي شاب وتذكر لماضيه=ودع صباه ومشى بالشيب مشواري
وداع يا ماضي الطيبان وجلديه=وزبير وكعابها وعظيمها الساري
وم التسع والعبيسه وطاق طاقيه=والعابٍ اخرى توارت مالها طاري
كانت لنا العاب ضمن العاب شعبيه=في ماضيٍ من زمنا الغابر الواري
روح زمنها وودعنــاه كليه=واليوم صرنا بزمان علومه كباري
كوره ودوره مع سباقات دوليه=والعاب خطره على كثبان الاقفاري
بطر الحناتير مع دراج ناريه=وسط النفود ستباحت عرقه الصاري
الله يستر عليها من العطوبيه=ويستر علينا وعلى ركابها الضاري
فيها مكاين من الترهيم شريه=لا زمجر قزوزها كذح الشرر ثاري
مانيب حاسد ولكن العجب فيه=بس أتفكر بسخرة ربنا الباري
سوت مضامير تشعطها سطاويه=بالمانعيه صباح وظهر وعصاري
المانعية بقت بقعه سياحيه=زوارها من قريب وبعاد الادياري
سلوى وتشجيع من يقدر بملويه=يطلع الى راس عرق الرمل متماري
لعبه جديده بهاذا الوقت دوريه=وسط صعافيق شرق المذنب إدياري

عبدالله الشويمان-الرعد 1427

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[منيع]

مبدع ورائع
شكرا لك
تحياتي

[نجم الإبداع]

صح لسانك يابو بدر

مصافحه تراثيه راقيه

لاهنت

[هترل]

صح لسانك يابو بدر وطاب حالك
نص راقي وجزل يالجزل لاهنت
ودي

[داعي الشوق]

الله الله يا بو بدر ..

قصيده جميله و جمالها في تطرقها لذكريات خالده بالاذهان

ابدعت في الفكره و صياغتها يا مبدع

و النعم بك وبديارك

و صح لسانك ولاهنت

[الطامي]

صح السانك يابو بدر
متعك الله بالأيمان والعافيه طول العمر والجنة بعد الممات
امتعتنا بها لافض فوك
شكرا لك

[الراقي]

صح السانك وعلا شانك يا شاعر الجزاله
مع ارق التحايا

[عبدالإله]

صح السانك الوف
أستمتعت بكل حروفها
جزل وجمال وقوه
صح السانك يالقرم

[الوقداني]

كم انت مبدع
صح لسانك
مدد بلا عدد
لاهنت يالغالي
تحياتي واجلالي