في سماء ابداع الطائر المهاجر..رجعتي لي بعد غيبه

[حمد العيد]

رجعتي لي بعـد غيبـه تبين اللي مضى ينعاد = تقـولين اقبـل اعذاري فانا بالحب مرهونه
كفـاني ما حصـل منّك تعـدى كل حـد وزاد = تحمـلت الأذى لاجـلك وقلبي باح مكنونه
عطيتك ما تبي روحي عطيتني الهجر وعناد = ابي قربك يونّسني وحـال البعـد من دونه
اشوف الحب في شرعك بعيدٍ عن هوى الاجواد = يبي ياخـذ ولا يعطي مثل من يجحد ديونه
ترى يا مهجتي بعض الطيور ولـو بدت تنصاد = لحمهـا مـرّ حتى لو هقيتي البعض مأمونه
تظنيني مثـل أوّل حبيـبٍ بالهــوى ينقـاد = ترى بعـدك تعلمنـا وفهمنـا الحب وفنونه
ضحكتي ما كفى واليـوم ابنقـذ ما بقى بالكاد = من جـروحٍ تركتيهـا بقـلبٍ بانت طعونه
زمن غـدّار ما يسوى اعيش الحـزن والانكاد = علشان اللذي في يوم بنى في قلبي حصونه
ابرحـل لا تقولي ليه بـدال بـلادك الف بلاد = وبصحى بعد غيبوبة وابنسى الحب ومجونه
واذا من جابني الطاري من الاحباب والحساد = وقـال الناس وين الطير فقـولي الله بعونه
انا مهـاجر الى النسيان ادوّر لحظـة الميلاد = طفل يبكي ، طفل يضحك وباقي الدمع بعيونه
يبـي حب ويبي عطف ويبي امه كمـا المعتاد = ولا يدري وش الساعة ولا هالوقت او كونه

[الطائر المهاجر]

بيض الله وجهك
جهد أكثر من مميز
لاهان راسك يالغالي
كل الشكر والتقدير
مع أطيب التحية

[يوسف الشقران]

ياسلااااااااااااااااام عليك يامبدع


تسلم وتسلم........الي مالا نهايه


ابدعت
وصح لسان شاعرها

ـــــــ

بس ياجماعه ابي طريقه احفظها عندي شلون ؟؟ علموني الطريقه
تراني ماعرف

شكر من القلب

[الطائر المهاجر]

ارسل لي واعلمك
لكن ماهو مع كل الأمور تصلح طريقتي

اوووووووووووووهـ

فديت هالصوت ياحمد

وربي لا يحرمني منكـ


كن بخير فقط

[كريمة محمد]

الله الله عليك اخى روض الغلا المتميز بكل الاحوال
قصيدة رائعة بما تحمل من معانى وكلمات رائعة
تسلم لنا اناملك اخى
ودمت ولا هنت
تحياتى لك

صح لسانك مليون ولا يكفون
جزلة من رأس جزل
تسلم اخى
وارجو ان تتقبل مرورى واعجابى الشديد
تحياتى

يسلمووو اناملك اخى روض الغلا
قصيدة روووعة
الله يعطيك الف عافية اخى
ولك منى فائق التقدير والاحترام
تحياتى

مشكووووووور اخى روض الغلا على هذا الابداع
قصيدة عن جد روعة وقوية من شاعر متمكن
تسلم خوى
ودمت بود

زي ماعودتنا اخوي حمد
شي مو غريب عليك
صح الساان شااعرها الشاعر عثمان ودام
قلمه ينبض لفطاحله