نسيان الماضي

[ناصر عبيد الهواوي]

قالو ا نسيت اللي مضى قلت لا لا=الى نسيت اللي مضى وش قعد لي
على التخلص من وجودي عجالا=نسيان ماضٍ فات يمكن به اجلي
ينسى الفتى قلبه وروحه مُحالا=زهرة شباب إمضيفها في سجلي
انسى؟ وانا لو جاء إلذكره مجالا=يصيبني رعشة ويرتج عقلي
وتشب نارٍ في عروقي تمالا=هشيم جاشٍ ميبسه قطع وصلي
وعقب العقل خِفة وطيش وخبالا=تعده العقّال زلة إلمثلي
حتى غياب الطيف بالحيل طالا=لي كم شهر ماقط طيفه عرض لي
ياطيف لو عز الطلب وإستحالا=عِد لي قبل ما تزهق النفس عِد لي
قبل الشهر يكمل بشوف الهلالا=زرهم وخذ صورة للأوضاع وإج لي
واجلس معه واطرح عليه السؤالا=وجب لي كلام يريح البال جب لي
قل له تدارك مخطرٍ بالزوالا=جِد لي بما تسمح به النفس جِد لي
كثّر له الروحات عله توالا=اخلص بجهدك وإحتسب فيه لجلي

[الطائر المهاجر]

صححححححححح لسانك يالعود
ولو قلبك يرقل
لاهنت
تحياتي

[صعبة المنال]

الله الله وافية

صح لسانك وحرفك

صعووووووووووب

[عبدالله راشد الثويني]

ناصر عبيد الهواوي شاعر جزززل صاحب أطلالـه مميزه
تسلم يمناك على ماخطت طامعين بجديدك
تقبـّل وُدي

[جوال تبوك]

ياطيف لو عز الطلب وإستحالا
عِد لي قبل ما تزهق النفس عِد لي !!
.
الله عليك قصيدة جزله وشعر جزل
ابدعت واحسنت ,
بإختصار :
ناصر : الشعر يمشي على قدمين

[عبدالرحمن السناني]

الشاعر ناصر الهواري

صح لسانك وعلى شانك

تمنياتي لك بالتوفيق

[همس الورد]

صح لسانك مليووون

و صح بدنك

بووح رائع

تحيتي

[عيدالماجد]

صح لسانك يالغالي نص وافي من وافي

[ترانيم المطر]

صح لسانك مليووون

و صح بدنك

بووح رائع

تحيتي

[عبدالله الشويمان]

المشاركة الأصلية كتبت بواسطة ناصر عبيد الهواوي

قالو ا نسيت اللي مضى قلت لا لا=الى نسيت اللي مضى وش قعد لي
على التخلص من وجودي عجالا=نسيان ماضٍ فات يمكن به اجلي
ينسى الفتى قلبه وروحه مُحالا=زهرة شباب إمضيفها في سجلي
انسى؟ وانا لو جاء إلذكره مجالا=يصيبني رعشة ويرتج عقلي
وتشب نارٍ في عروقي تمالا=هشيم جاشٍ ميبسه قطع وصلي
وعقب العقل خِفة وطيش وخبالا=تعده العقّال زلة إلمثلي
حتى غياب الطيف بالحيل طالا=لي كم شهر ماقط طيفه عرض لي
ياطيف لو عز الطلب وإستحالا=عِد لي قبل ما تزهق النفس عِد لي
قبل الشهر يكمل بشوف الهلالا=زرهم وخذ صورة للأوضاع وإج لي
واجلس معه واطرح عليه السؤالا=وجب لي كلام يريح البال جب لي
قل له تدارك مخطرٍ بالزوالا=جِد لي بما تسمح به النفس جِد لي
كثّر له الروحات عله توالا=اخلص بجهدك وإحتسب فيه لجلي

صح السانك اخوي ناصر

قافيه رائعه ونص جزل..وانت شاعر جزل.

لا هنت اخوي