سجل خروجك من تخاريف الاوهام

[منيع]

لصفاء قلوبكم هذه الابيات

سجل خروجك من تخاريف الاوهام=ولاترتضي بغير الثريا مكانه
الى متى وكلك تعاقيد وجرام=الركب طافك وانت زايد لعانه
عاجبك تبقى في دهاليز الاقزام=وتزيد مع الايام حقد وظغانه
ناس تعاديها وناس بلا اذمام=هو انت حالف ماتمرك تكانه
ياهيه ياعايش على بعض الحطام=انفض غبارالجوروترك زمانه
دور مقام العز مع كل همام=دنياك هذي ماعليها ظمانه
ان ماعقدت ا لحزم توطيك الاقدام=وترميك بقعا في دروب المهانه

تحياتي وتقديري

[عبدالعزيز البليهد]

صح لسانك ولاهنت

والانسان يجب ان يكون له هدف سامي ونبيل يعيش من اجله

وان يحسن الظن بالاخرين ويرضى بأن الحياة كفاح وارزاق

ابيات جمعت نصح وتحفيز للهمم صاغها شاعرنا منيع بكل اقتدار وخبره

الله يعطيك العافيه

[احمد الجريفاني]

سلمت يا مبدع وطال عمرك تحياتي

[عبدالله مذكر العقيلي]

نص رائع جدا

صح لسانك

وبيض الله وجهك

والله لايهينك


تحياتي وتقديري

[الطائر المهاجر]

هو انت حالـف ماتمـرك تكانـه
والله في هالوقت التكانه عمله نادره
الحر نادر مابقى غير الازلام=ولامن لقيته منشوي من زمانه
صح لسانك وفكرك
ولا هان راسك
جزلة وطيبة من راس طيب وجزل
تحياتي

[نجم الإبداع]

ياسلام يامنيع

مصافحه تشحذ الهمم

صح قلبك

ماضاع حق الخلق في دين الاسلام=ضاع العرب من رقصة البرتكانه

[عيدالماجد]

صح لسانك مليئه بالحكمه والموعظه دمت ودام نبضك الصادق

[عمر ال شيبي]

المشاركة الأصلية كتبت بواسطة منيع

لصفاء قلوبكم هذه الابيات

سجل خروجك من تخاريف الاوهام=ولاترتضي بغير الثريا مكانه
الى متى وكلك تعاقيد وجرام=الركب طافك وانت زايد لعانه
عاجبك تبقى في دهاليز الاقزام=وتزيد مع الايام حقد وظغانه
ناس تعاديها وناس بلا اذمام=هو انت حالف ماتمرك تكانه
ياهيه ياعايش على بعض الحطام=انفض غبارالجوروترك زمانه
دور مقام العز مع كل همام=دنياك هذي ماعليها ظمانه
ان ماعقدت ا لحزم توطيك الاقدام=وترميك بقعا في دروب المهانه

تحياتي وتقديري

صدقت لا هنت

الين انك جيت بها على الوجع

الله يستر عليك

يا زين منصوح
ولك مني الكيبورديه

يا ما حلا قاف ٍ تجلى و قام =يطري خيار الحكم قيمة رزانه
نصح ٍ رشيد ٍ من عزيمات ورحام = مرعودها قول ٍ حسين البطانه
من يفهم المكتوب صلى وصام = واستغفر الله من مِساور شطانه
يمنيع جيت بها حل ٍ لَيْ سِقام =ناس ٍ تعيش العصر ضاعوا لدانه
مثل الحصيني لا تعشى ونام = فوق المجيفه لا تناسى المكانه
تشرق عليه الشمس رمي ن سهام = والعالم الله من توالي اهانه
مورد عيون السيف قطر ٍ سخام =من نارة ٍ تبقى عليق المشانه
والشين حصله بالمجالس ركام = ديرة طناخه الشر تدمي حسانه

[ابو تواف]

ياسلام عليك منيع

نص رائع وانت اروع

لاهنت ياشاعر لاهنت

[عبدالعزيز العمار]

شاعرنا منيع/

صح لسانك وجاد بيانك ..

قصيدة جزله ورائعه من شاعر جزل ..

تقبل مروري وخالص تحياتي