صيد الشات الثلاثاء 17/7/2018م

[الطامي]

ياعود ياولد السنين الماضيه = قلي عن اخبارك مع البونس اليوم ( الطامي
عساك رابح وانت منه بعافيه = ولا خسرت بالبورصه وانت زيزوم (الطامي
انا اتفرج فالمخاوف وافيه=ولا بي الخساره دام هالسوق ملغوم(الطائر
حيتان تلهم ما تخلي باقيه=ونصب وخداع للملا دوم معلوم (الطائر
الله كريم يديم نعمتك ضافيه = ولا انته بمديون ولا انته بمعدوم (الطامي
ناوي اتجوز من التكرن الدافيه=تنفع بوقت البرد لاصرت مزكوم(الطائر
خلك بقديمك دام بلوفه صافيه = يقضي بك المشوار ولو بالشهر يوم(الطامي
احسن ماتسري اليل برجل حافيه = والراس ماسلم به الجراحه والوروم(الطامي
ارسلتها التشليح سنةٍ ماضيه=واليوم ابي اجدد ولاني بمحروم (الطائر
استغفر الله كيف تبيع الوافيه = ياما سرت بك في تخاتيخ وحزوم(الطامي
نسيت يانساااي يومها كافيه = وتصبر على كل المشاوير وتقوم(الطامي
لكن مادامك صرت خرقه طافيه =تلعب بها نود الهبايب بالسموم(الطامي
بعض المواتر لو سواقتك وافيه= تبوش بسرعه ولو هي بلا صدوم(الطائر
عليك بالسكراب دامت بعافيه = تغنيك من مدة يدك عند العموم (الطامي
تقضي مشاويرك ويرفي الرافيه = وان لقلقت تصبر عليها لاتحوم(الطامي
دامك مجرب فالنصيحه ضافيه=خلك على السكراب مادامك ملزوم(الطائر
انا احمد الله مركباتي شافيه = ثنتينهم متجددات دوم دوم (الطامي
الا بغيت اقضي اشغالي كافيه = والا بغيت انهج عليهن فمحشوم(الطامي
والا انت دور لك قرنبع هافيه = تشليح قبلك عند بياع اللحوم(الطامي
ماظن يقبل بك عجوزٍ قافيه=تمدح بنفسك وانت لاشك معدوم(الطائر
تــجــمــع كـــمـــخ مـافــيــهــن الـــلــــي بـعــافــيــه=كــل يــوم بالمشـفـى عـلاجـات وسقوم(الطـائـر

[الطائر المهاجر]

شكرا ابو محمد
على المجهود الطيب في نشر الموضوع
تحياتي

[منيع]

هههههههههههههههههه
شكرا لكم
تحياتي

[الطامي]

هلا دكتور
لاشكر على واجب
وشكرا لأعجابك
لاهنت

[الطامي]

هلا منيع
شكرا لمرروك
ودم هالضحكه الطيبه
لاهنت