ونّة المسبوع

[نجم الإبداع]

أياونتي ياصاحبي ونة المسبوع=من جروح ليلي قام بالروح ينكيها
على وقت ناسه شفتهم يقلبون ضبوع=يصاحبك للدنيا وبه نار يذكيها
وبعض البشر ودك ترزه على قنبوع=الا من ذبح فذبيحته مايذكيها
وفيهم حصيّني ساعه وساعةٍ جربوع=وبالزور له جلسات مكبر مراكيها
الاجيت يمه صار كفه تقل مجبوع= فلوسه ربا راس السنه مايزكيها
سريت الليالي واثرني بالردى متبوع = على نيتي والناس تقلب حواكيها
طربنا لجلسه فوق كوكب بعيد البوع=على عرش ماكلن ليا حب يتكيها
ضوى الجزل فوقه تاج للعارفه مطبوع=جواهر وعقد الماس من جور يشكيها
على الشقر والجاوي بناها على المربوع=تجاذب حروف الشقر والجزل يركيها
وغارت نفوس وصار حلم السبق مقبوع=مسجى وروحه شمت الناس زاكيها
وجودي على الي يحسبون الخميس ربوع=وعين الحسد ياعل تعمى بواكيها
ركبنا الجديد وغيرنا يركب القربوع=وراعي القرب لامن فرطها يوكيها
بحور المشاعر ماتلاقت مع الينبوع=والانهار تجري والسواقي تحاكيها

[صعبة المنال]

دم حروف من ذهب
سلمت يا فلاح
وصح لسانك وفكرك

جزلة

صعووووب

[عدنان كريزم]

وجودي على الي يحسبون الخميس ربوع

وعين الحسـد ياعـل تعمـى بواكيهـا

--------------------------------------

ههههههههههههههههههههه

مبدع مبدع مبدع يا فلاح

من جد اعجبتني يالغالي

صح لسانك ولا هنت

[همس الورد]

الله الله الله

فـــــــــــلاح

صح لسااااااانك و صح بدنك

قصيدة رائعة كما عاهدناااااك

تحيتي و تقديري

[محمد العسكر]

للكبار لغتهم المنفرده

هنا

جزله وتمكن

وعزف على اوتار الحكمة والتمكن

فلاح دمت للشعر

ودام نبضك

ايها العلم

[زهرة اللوتس]

الشاعر والمبدع فلاح بن منشار
سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[داعي الشوق]

صح لسانك يا فلاح

شاعر جزل

و رائع في كل الحالات

فكرة و مضمون في غاية الجمال

هكذا أنت دائماً يا بن منشار

رائع و مميز

صح لسانك مع التقدير لك

[الطامي]

وجودي على الي يحسبون الخميس ربوع=وعين الحسـد ياعـل تعمـى بواكيهـا
ركبنا الجديد وغيرنـا يركـب القربـوع=وراعي القـرب لامـن فرطهـا يوكيهـا
بحور المشاعر ماتلاقـت مـع الينبـوع=والانهـار تجـري والسواقـي تحاكيهـا

فلاح بن منشار
الله عليك ولك
صح السانك الى الأبد
جزلة وهادفه

شكرا لك

[الطامي]

وجودي على الي يحسبون الخميس ربوع=وعين الحسـد ياعـل تعمـى بواكيهـا
ركبنا الجديد وغيرنـا يركـب القربـوع=وراعي القـرب لامـن فرطهـا يوكيهـا
بحور المشاعر ماتلاقـت مـع الينبـوع=والانهـار تجـري والسواقـي تحاكيهـا

فلاح بن منشار
الله عليك ولك
صح السانك الى الأبد
جزلة وهادفه

عسى الله يعينك يارفيقي على الموضوع = وعسى الله يعينك من امور تداريها
تماشي زمانٍ جاك غصب والاوطوع = مع الناس وادروب الخلايق تماشيها

شكرا لك

[الخنساء]

أياونتـي ياصاحبـي ونـة المسـبـوع

من جروح ليلي قـام بالـروح ينكيهـا

على وقت ناسه شفتهم يقلبون ضبـوع

يصاحبـك للدنيـا وبـه نـار يذكيهـا

وبعض البشر ودك تـرزه علـى قنبـوع

الا مـن ذبـح فذبيحـتـه مايذكيـهـا

وفيهم حصيّني ساعه وساعـةٍ جربـوع

وبالزور لـه جلسـات مكبـر مراكيهـا

الاجيت يمه صـار كفـه تقـل مجبـوع

فلوسـه ربـا راس السنـه مايزكيـهـا

صح لسانك مليون ولايكفون
جزلة من شاعر متمكن
سلمت ودمت بخير