الطاير المهاجر ..خطوتين الى الأمام..!!

[عايض المقاطي]

أبو عبدالله تشرفني مجاراتك

ولا ياطير ياللي كل ليله تكفخ الجنحان=سلام الله ..وكيف الحال..والمقصود تدري به
أنا ياطير لا قامت تسولف باسمك العربان=تمنيتك من شعور الغلا واحد من عتيبه..!!

[الطائر المهاجر]

هلا يامرحبا بك ياحرار الطير والشيهان= انا عتيبي وانا مطيري وتميمي كل يدري به
فلا من فرق في عرقي مابين مطير والعتبان= مدام ان الأصل واحد فدم العرب يجري به

[عايض المقاطي]

يدوم ابك البقا واللي سواتك يكرم الضيفان=وحكم الضيف قالوا يالتميمي مع معازيبه
يضيع الصيد لا منه تخالف وزنة النيشان=توقع قدم لا تركز ورا البندق وترمي به..!!

[الطائر المهاجر]

انا ماجيت ابركز بندقي واتصيد الضبان = واذا ظنك تعديت الهدف فالدرب امشي به
فتركد كان تبغى السيل مايجرفك للقيعان= وجر الصوت مثلي في عتيم الليل نسري به

[عايض المقاطي]

ههههههههه

نلطف الجو شوي

ما دام انك ليا عدوا يعدونك مع الشيبان=تشوف الظبي بعيونك ..ولا تقوى مضاريبه
تقوله ما تقوله فالنهايه يرجح الميزان=ويفرق كل واحد راس ماله من مكاسيبه

[الطائر المهاجر]

ضلع عود ولا ضلعين شابٍ دايمٍ تعبان= على الهمبرقر تغذيه المطاعم مفرغه جيبه
فحنا من يهلن به وانتم تشتكوا الخسران= الى منه ضواك الليل شبت بك لواهيبه

[عايض المقاطي]

ههههه

دخيلك وش شعورك لا تطرف قايد الغزلان=وخاب الظن فسلاح تزايد به عذاريبه..؟!!
تبا تضحك علانا يالتميمي مار هذا ..كان=ترى كلن يدور من يوفي له مطاليبه

[الطائر المهاجر]

هذاك سلاحك اللي صار داثر وانت به طربان=فلا تحكم على غيرك بما تجهل تراتيبه
فحنا نجمع الثنتين والأربع بلا نقصان = وانتم ياهلا البيزا وكلٍ به عذاريبه

[ابراهيم عبدالحميد]

الطائر المهاجر / عايض المقاطي

دام رقيكما و إبداعكما و سلمتما لنا

[عايض المقاطي]

أجل وش لون ما نطرب وسيف العز ياعثمان=لقى عندك جفيره والجفير الزين نحري به
لو ان العمله الزرقا تبا تمنع من الدكان=يبا يبلش وحدكم في خليله وش يسوي به..!!