ياسمو المشاعر.. ياكبير العقل.،.،.،..،.،.

[عبدالعزيز العمار]

السلام عليكم

اخواني وأخواتي الكرام ...

لم تكن هذه السطور مجرد كلام جميل عابر ولكنها مشاعر قلب عاشها حرفا حرفا .
ونبض إنسان حملها حلماَ..واكتوى بنارها الماَ ..

فكان نتاجها هذه القصيدة المتواضعة والممزوجة ببعض الرمزية القليلة بين سطورها..

أتمنى أن تعانق سمو مشاعركم الشامخة ولكم مني أجمل التحايا والتقدير..

*


*


*

*

من بحور المعاني والمثايل تشيل=أجمل احساس شاعر ضغتها في عجل
المشاعر في صدري رَسْم فكر ٍ جميل=أحتواها شعوري يوم ثار الجدل
أرهقتني مشاوير الزمان العليل=أتعبتني وزادت في حياتي علل
عاندتني الليالي في مداها الطويل=عوّدت في نكدها لا تكل ّ وتمل
زاد حملي على الأمتان واصبح ثقيل=لا شكيت الحمول ولا يهم الثقل
دام انا شايلن حملي وهو لي خليل=ماتفيد الشكاوي لو يزيد الحمل
الشكاوي على منهو لخلقه وكيل=ألتجي واشتكي فرد ٍ كريم ٍ عدل
راحة القلب لاصار اهتمامه قليل=ومن يزيد اهتمامه عايشن في ملل
ياعليل الضماير في زمان ٍ عليل=خل عنك التجافي وافهم اللي حصل
ماتفيد المدامع كفـّها لاتسيل=لاتزيد المواجع خل عندك أمل
لو تمد النظر بالعين مقدار ميل=أبصرت بك على ماتشتهي في مهل
كل يوم ٍ مضى بك مايرد ابمثيل=لاصفت لك ليالي جاك يوم ٍ يعل
ريـّح البال يامن صار همه سبيل=في تتبّع خفايا الناس يبذل سبل
كنه السوس ذاك اللي تولـّى النخيل=كل همه كلام ٍ فاسد ٍ لك نقل
لايغرك زمانك لو صفالك يميل=في مهاوي الردى صاير بجهلك مثل
الله اللي حسيبك وَهـْوَ نعم الوكيل=والله انك على ما قيل مابك خجل
تحسب انك ذهين ومالقو لك مثيل=خل عنك الذهانه وانت صيد ٍ سهل
ماتهاب الجوازي في ربانا الظليل=حولها في حماها كل رجل ٍ فحل
يارفيق المعالي يالكريم الجليل=ياسمو المشاعر.. ياكبير العقل
يا سليل الأكارم .. يالجواد الأصيل=لا يهمك زمان ٍ فيه ناس ٍ تعل
ذكريات ٍ خلت والفكر فيها يخيل=عودت بي على وقت ٍ قريب الأزل
واضح ٍ في قصيدي مايبيله دليل=وانت خابرك فاهم ما يعيبك جهل
في ختام الكلام أرسل سلام ٍ جميل=مع تحيات شاعر من شعوره صقل
أجمل أبيات شعر ٍ كالجواهر تشيل=واجمل احساس شاعر صاغها في عجل

عبدالعزيز بن سعد العمار
1431هـ

[داعي الشوق]

عزالله انها قصيدها و افيه يا بو سعد

لله درررررررك

شاعر مطرب و مبدع و جزل

قصيدة جدا رائعة

صح لسااااااااانك مليووون

ولاهنت يالشاعر

و لي عودة للرد بما يليق بهذه الجميلة

**********

[الخنساء]

أرهقتني مشاويـر الزمـان العليـل

أتعبتني وزادت فـي حياتـي علـل

عاندتني الليالي في مداهـا الطويـل

عوّدت في نكدها لا تكـل ّ وتمـل

زاد حملي على الأمتان واصبح ثقيـل

لا شكيت الحمول ولا يهـم الثقـل

صح لسانك مليون ولايكفوون
قصيدة جزلةمن شاعر جزل
سلمت ودام حرفك

[الطامي]

بن عمار
صح السانك ملايين
رائعةجدا
شكرا لك

[منيع]

كل الروعه والابداع
تحياتي لكم

[الطائر المهاجر]

الله ...الله
ملحمة جزلة وقوية
من شاعر متمكن
الشكاوى على من في عباده وكيل
صح لسانك وقلبك
ولا هان راسك
تحياتي

[ماجد المهدي]

قصيدة جزله وقافية وبحر عذب في عذب

صح لسانك يالغالي والقاء جميل باسلوب لطيف وهادئ

لا هنت

تحياتي

ماجد المهدي

[زهرة اللوتس]

صح لسانك وفكرك
جزلة من جزل
لاهنت
تحية طيبه

[حرف وشعر]

سلامي عليك ياعبد العزيز

اشهد انها وافيه من وافي

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^