لاتحزن على الدنيا

[عيدالماجد]

لاتحزن على الدنيا مهو وحدك بها الخسران= كثير من البشر مظلوم وكتير يخونها العشره
ويمكن ينقضي عمرك ولايوقف معاك انسان = وتحس انك وحيد وكل من حولك سما وصحرا
الغدر طبع البشر والناس سقتنا المر والخذلان= تماسك واستمر ياعيد ولو مخنوق بالعبرة
تحمل تشتكي ياعيد تحمل قسوة الحرمان= وضحي مابقالك شي عليه تبكي من الحسره
تعبنا مااقولك لا وشفنا من العذاب الوان = وصعب تلقى بهالدنيا بشر مرتاح في عمره
الا ياقلبي المسكين ذبحك الهم والكتمان= وبعدك تنتظر تفرج وليلك ينتظر بكره
الا ياناشف ريقك متى تنطر يجي الطوفان= و متى بعد الجفاف ارضك تعود الجنه الخضرا
مااظن ترتاح في عمرك وش اللي باقي يافلان = قطار العمر عدانا وليه نتم ننتظره
خلاص ارجع كفا الام كفانا هم كفانا احزان= تحمل دامك المجروح وكل همه بصدره

[الطائر المهاجر]

سلمت وصح
لسانك وفكرك
ولاهان راسك
جزلة وطيبة من راس طيب
تحياتي

[سعود المحجان]

السلام عليكم ورحمة الله وبركاته

صح السانك


نص راااااااااقي بكل حالاته


تحياتي لك

[الريم]

اجزلت وابدعت
عاش راسك
تحياتي واحترامي

[احمد الجريفاني]

الغالي عيد الماجد رائعة من اروع سلمت وطال عمرك تحياتي

[منيع]

اكثر من رائعه
تسلم اخي عيد الماجد
تحياتي

[عبدالعزيز البليهد]

نعم وكلٍ همه بصدره

صح لسانك ولاهنت

عبرت بنا الحياة اخوي عيد

الله يعين ويفرجه

[داعي الشوق]

صح لسانك مقدما يا عيد

شاعر جميل بلا شك

و لي عودة مع التقدير

*******

[مشعل السلمان]

الله الله
صح لسانك وكلك يالنشمي
لاهنت على هذا النص الجميل
فائق الود والتقدير

[عبدالإله]

كتبت فأبدعت

و تألقت

صح لسانك يالشاعر

تحياتي مع كل الشكر لك

@@@@@@@@