عزف انفرادي

[نجم الإبداع]

ياقافيه تفرض على الروح الانشاد=لاوزانها والحرف سلطان شادي
ساقت متون الشعرتغني عن الزاد =في ليلي المسهود والجو هادي
من هاجسي سويتها قصر منشاد=حوله نبت زهر الخزامى وكادي
بابه من البطره ثلاثي الابعاد=والسور بعده سور فيه ارتدادي
في داخله كشكول من كل الاضداد=جنه ونار وشي مقبل وغادي
فيه الحروب الي بعهد ابن شداد=وبدر واليرموك ياذكر نادي
فيه السلوم الي على عهد الاجداد=والحبه السوداء وحبة رشادي
فيه الهوى فيه المحبه والامجاد=وفيه حزن وبه من الدين حادي
فيه الصفاء والود ياكل نشاد= وآلام بيت القدس عاينه صادي
فيه العروبه مهزلة كل الانداد=والرافدين الي بسوق المزادي
فيه الخيال الي يثير اهل الارصاد=يعزف على الكلمات عزف انفرادي
اوركسترا لالحانها القلب ينقاد= ترقص لها نجوى ويطرب عبادي
تنساب نشوه تنعش ارواح الاشهاد=من جمعها يحتار فكر انتقادي
لاوالله الا كنك اطراف بغداد = ياهاجسي وش فيك تشعل سهادي
ياهاجسي ماكل ماقيل ينعاد= هذي الخلاصه يوم قلت انت عادي

[ابومياس]

فيه العروبه مهزلة كـل الانـداد
000000000والرافدين الي بسـوق المـزادي

فلاح بن منشار

نص منعش كعادتك

استمتعت بزيارتي لمتصفحك

المميز

صح لسانك ودام حرفك

دمت بخير

[داعي الشوق]

ياقافيه تفرض على الروح الانشاد ** لاوزانها والحرف سلطان شـادي

******************

صح لسانك يالشاعر فلاح .. قصيدة ترمي بفكر قارئها بكل إتجاه

و المعنى واحد .. وهذا ما زاد روعتها

صح لسانك مرة ثانية ولله درك

[الطائر المهاجر]

والخلاصة انك مبدع
صح لسانك ولا هان راسك
تحياتي الطيبة

[الطامي]

بن منشار
صح السانك وعلى شانك
ولاهنت يالغالي
ابيات متعوب عليها
ماعندك غيرها تسلفني تكفا
ترى صحيح بس لاتفضحني بعدين
ها ها ها
الدردشه معك ومع مثلك لها ذوق خاص يالسنافي
وشكرا الككككككككككككك

[سناعيس]

صح لسانك يامبدع
وأقول:

أنا أشهد انك شاعر قرم الأولاد=أبصم لك بكل الأصابع وكادي
الملهمه تاتيك بسرعه بالأمداد=وترغم جزيل الشعر لشخصك يقادي

تحياتي

[منيع]

جزلة ورائعه
تسلم ياابن منشار
تحياتي

[الخنساء]

صح لسانك اخي الشاعر فلاح
لاهان راسك قصيدة رااائعة
سلمت وسلم شعرك
دمت بخير

[عبدالله راشد الثويني]

صح لسانك ولا هنت شاعرنا المبدع والمتألق فلاح

اتحفتنا بهذه الابيات كعادتك تنسج لنا كل مميز

بإنتظار جديدك

تقبل وُدي

[حي الضمير]

صح لسانك ...قصيده دسمه حيل

وذات معاني رائعة

ابدعت يامميز