خيول ٍ لفارسها لها تصهيل

[ماجد الزيد]

سقى الله أرض ٍ قد توسّد ببطنها=عظيم ٍ من الأقوام خيْـر نزيـل
تهامل دموعي لاذكرته وأكنّهـا=فدمع الرجل ماهو حبيس بْخيل
وياويش تسوى ديرة ٍ غاب عنّها=فـلا الليـل يهنالـي ولا لمقيـل
فيا عمرو قرّب لي الربابة وحنّها=تصايح كطفل ٍ في مسيل السّيـل
ثلاثين ليله فوق قبره نخنّها=وننعاه ياعمرو ٍ لجنح الليل
فقوس الرّبابة حضرميّة وسنّها=وكبدي له الجاون مسنّ و ويل
تفتَّت من الفرقا وذا صوت ونّها=سموم ٍ يلافح بالفياض محيل
وجيش الهموم يسوم والحرب شنها=عليّا من فراق الخليل مهيل
فيا عمرو فزّع لي من الخلق جنّها=دموع الرّجل ياعمرو تذبح حيل
ابي كل عفريت ٍ دموعه يدنّها=على الْقبْر دمع الجنّ نهر النيل
ووصّل نْواح الجن والحن منّها=زوابع لها نوح ٍ كزمْر الفيل
على سيد ٍ روس الملاعين طنّها=تشوف القتل فيهم ولا هي قيل
كأعجاز نخل ٍ خاويات ٍ صنّها=الى صاحت الحرّة ونام الجيل
جسور ٍ على الهيجا الى شِدّ رنّها=سرور ٍ بوجه الموت له تهليل
تزنّ العواصف فوق قبره وزنّها=على الخالدي قطاع قفر شعيل
بكت له سيوف الهنْد من غاب كنّها=خيول ٍ لفارسها لها تصهيل
تقول اللتي قد خاب ذا اليوم ظنّها=علامك عزلت القاف ويش تْخيل
وقوْل القوافي بالخوافي مسنّها=عوافي وغير الله ملْي مْزيل
بكلّ اشعث ٍ روحه لنا ما يمنّها=بكيناه واللايم عليه نْهيل
فدى الشّعث .من غنّوا على اوتار فنّها=وكل شيخ ٍ مْبدّل ذليل ٍ ذيل
زهدنا بدنيانا لك الله لانّها=من قرومنا خلْيت وبلْي الخيل

[النهج المختلف]

فيـا عمـرو فــزّع لــي مــن الخـلـق جنّـهـا
دمـــوع الـرّجــل يـاعـمـرو تـذبــح حـيــل


الشاعر الرائع ماجد حمد الزيد صح السانك ,, ,,

قصيدة جزلة من شاعر جزل ومميز ,, ,,

وصف جميل وصور شعرية رائعة ,, ,,

لاهنت يابوحمد ولاهان راسك وفكرك ,, ,,

بيض الله وجهك والله يعطيك العافية يامبدع ,, ,,

تحياتي وتقديري ,, ,,

[احمد الفارس]

صح لسانك .. وطيّب فالك
كبير ياماجد تسلم ويسلم راسك

[نجم الإبداع]

الله الله


صح لسانك ياماجد

شاعر بحر ورائع

لاهنت

تقبل مروري

وتقديري

[مبروك بن ماضي]

هنا قامة شعرية شامخه
لانملك ‘لا ان نبدي الاعجاب الشديد
بهذا الفكر والشعر
الشاعر القدير / ماجد حمد الزيد
أدامك الله بهذة الشاعريه الفذه
ودمت بخير حال
تقبل تحياتي واحترامي ،

[سناعيس]

صح لسانك ياماجد
ولله درك
دائما لا تأتي الا بالجزل

لاهنت

تحياتي

[حوريه]

شاعرنا الفذ / ماجد الزيد
قصيده ولا أروع
من شاعر راائع و متمكن
وعدتنا ياماجد الواافي بالشات الصوتي
تشيلها هلالي وتسجلها
وين الوعد ياوافين الوعود
في انتظااار ابداااعك

.

[داعي الشوق]

صح لسانك يا بو حمد

شاعر صاحب كلمه متوهجه

سلمت وصح لسانك

مع التحية لك

،،،،،،،

[الـزلـزال]

ماجد حمد الزيد


قصيده رائعه من شاعر مميز وجزل

دائمآ تتحفنا بروائعك غالينا

وتثلج صدورنا بحروفك المميزه وبابداعك الشعري الراقي

صح لسانك ملايين ملايين

ولك فائق تحياتي

[منصور العبدالله]

ماجد الزيد


للشعر معك رونق يختلف


متمكن جزل عذب

تعجز الابجديه ان تاتى بما يوازى جمال تطرحه بيننا

لله درك من شاعر

تحيتى ورد