كم من فقير مهتني في رقاده

[الطائر المهاجر]

كم من فقير مهتني في رقاده = وكم من غنيٍ ماعرف لذة النوم
وكم من فقير عايشٍ في سعاده= وكم من غني بالمرض دوم موهوم
فلا صرت في صحه فكبر وساده= غيرك ولو عنده ملايين محروم
كثر الدراهم محدثٍ للقراده = وفي قلها علاجٍ فلا تكثر اللوم
اقنع بعيشك ملتزم للعباده = تلقى بها الراحه ولو كنت مضيوم
ولا تنظر اللي راكضٍ به جواده= عينه على الدنيا ولا ارتاح في يوم
همه حلاله لو جمعه بفساده= وامعن بظلمه ما تفكر بمظلوم
مايدري انه راحلٍ في وحاده = لو كان شيخ وللملا دوم قيدوم
يترك رصيده من حلال وعتاده = لاولاده اللي قد يصيرون بخصوم
فالمستريح اللي رحل في سعاده= واحسن لغيره من حبايب ومن قوم
يذكر بطيبه عند وقت ابتعاده = ومجزي بالخيرات في يوم معلوم

[الراقي]

صح السانك وعلا شانك
على هذه الجزله
دام لنا ابداعك وتواجدك

مع ارق التحايا لك

[داعي الشوق]

الله يا بو عبدالله

ابيات في محلها

صح لسانك و طاب حالك

ولاهنت

[هترل]

جزله من راس جزل
صح لسانك يادكتور
ابدعت ياشاعر الحكمه لاهنت

تحياتي وتقديري

[الخنساء]

اقــنـــع بـعـيـشــك مــلــتــزم لـلـعــبــاده

تلقى بها الراحه ولو كنـت مضيـوم

ولا تنظـر الـلـي راكــضٍ بــه جــواده

عينه على الدنيا ولا ارتاح في يوم

هـمـه حـلالــه لـــو جـمـعـه بـفـسـاده

وامـعـن بظلـمـه مــا تفـكـر بمـظـلـوم

مـايــدري انـــه راحــــلٍ فــــي وحــــاده

لـو كــان شـيـخ وللـمـلا دوم قـيـدوم

صح لسانك مليووووووون

قصيدة جزلة معبرة وانا اشهد انك صدقت

وفيت وكفيت وسلمت

[وليدالبسطي]

السلام عليكم

صح لسانك

يالدكتور

وبيض الله وجهك

على هذا الابداع

[الطائر المهاجر]

شكرا داعي
على كريم المتابعه
لاهنت
تحياتي

[عبدالإله]

لاَفُض فُوكَ شَاعُرنا القَدِير

قَصِيدة حَاكت الجَمال

صح السانك

مودتي لك و احترامي
------------

[الطامي]

فالمستريـح اللـي رحـل فـي سـعـاده

واحسن لغيره من حبايب ومن قوم

يـذكـر بطيـبـه عـنــد وقـــت ابـتـعـاده

ومجـزي بالخيـرات فـي يــوم معـلـوم

الطائر
صح السانك ملايين
احسنت بالوصف لافض فوك
شكرالك

[حي الضمير]

اسهبت في الجزاله ياشاعر الحكمة
ومدد صح لسانك وفكرك