يامن عليه الضماير جا لها حنـه ، غزليه

[الطامي]

يامن عليه الضماير جا لها حنـه=حنة خلوج ولدها جـاااه قصابـه
مايرحم الحال من بلواه ويحنـه=حيث ان ماحل به حبه هو اسبابه
االقلب لاجات به الاحلام لاكنه = ديان ثارٍ عثوبه قوم طلابه
يفز قلبي لو ماضلوعي يحدنه = فزة يتيمٍ لقى من هو يتهلابه
اذا طرالي اجرالصوت بالونه = والعي بصوت حمام الدوح ماجابه
سيرته لاجات يجض الجاش واكنه = كنة معمِر سبيله زاد مشهابه
لوحيت نود الهبايب عل تاتنه = ارسل سلامي معاها كود يهنابه
عزي لحالٍ هوى الاحباب هدنه = هدت ابيوت وطاها القص واركابه
من زود حبه الاذان ان جابها طنه = اقول خلي ذكرحبي مع اصحابه
امر في ساحته حيثه وحيث انه =واهوى مرورٍعلى حيه مع اقرابه
شوفي على درب سيره دوم مشقنه = لاعل في مرته عيني تهنّابه
لاياعذولي كفى عذلك ماتدري انه= الحب لارمس صعيبٍ جثت اطنابه

[العصفور]

شكرا لإمتاعنا بإبداعك
لاهنت
تحياتي

[عبدالكريم اليوسف]

صح لسانك يالغالي
جزله من راس جزل

لاعدمناك

[الطامي]

العصفور
صح بدنك
وشكرا لمرورك
لاهنت اخي

[الطامي]

اليوسف
صح بدنك
وشكرا لمرورك
لاهنت اخي

[منيع]

اكثر من رائعة
تسلم اخي الطامي
ربي يرعاكم
تحياتي

[الطامي]

منيع
صح بدنك
والروعة اكثر بمرورك
شكرا لك

[عبير الورد]

صح لسااااانك ملايين
سلمت وسلم منطوقك الجزل
ربي يعطيك العافية

[داعي الشوق]

صح لساااااااااااانك مليوووون يالطامي

و الله يرحم حالتك

قصيدة معبرة بالحيل

ولاهنت يالشاعر

و صح لسانك

*************

[عطر الياسمين]

صح لسانك جزله
و من شاعر جزل
سلمت وسلم شعرك