الطامي× الطائر -من الشات 7/4/2016م

[الطامي]

مافهما العود على طريقة الدفن ،،، قلنا نكشفها والامر سهل ،، ولازالت مبهمه

ياعود وش رايك ببعض الحشاوين = اللي تقلب كل يوم لها اشكال(الطامي
بين العقارب والمره والدلافين= بعض التشابه بالطبع قبل الافعال(الطائر
العقربا تقتل بعلها بعد حين= وبعض النسا تقتل بعلها بالامهال(الطائر
مرَه يجونك على شكل البعارين = وامرار ياتونك بهم نوع الهبال(الطامي
اضرب على الكايد فلا ينفع اللين=وبدل عتب بيتك وشغلك بالاعجال(الطائر
الله يكافينا شرور الشياطين = وياك يالطائر على كل الاحوال(الطامي
ان كان بك حيل يدك الضلاعين= صحح لوضعك قبل يضعف بك الحال(الطائر
تراك لامن صرت من فوق سبعين=يطمع بك العقرب وتاطاك الافيال(الطائر
ياعود وش بك ماعرفت العناوين = نقول شي وانت فكرك ماهو خال(الطامي
ياعود ماتدري ترميها على وين = اللي بقلبك تطلعه يوم لو طال (الطامي
لاتلف تفكيري تراي اعرفك زين=مثل كثير من هموم وولوال(الطائر
حنا قصدنا بالجماعه غريبين = متقلبين اشكال وانواع واعمال(الطامي
نوب تقولانهم مجاهيم بالعين = ونوب تقول انهم مغاتير بازوال(الطامي
خليتنا ياعود نبدي المضامين = وحنا نحسبك تفهم الرمز بعجال(الطامي
لاكن على ماقيل الله لك يعين = ابحث عن الدقه دام الوقت بامهال(الطامي
ذي فكرتي ذي حدستي بالبراهين = ويجوز مخطي وانت تفهم بالاقوال(الطامي
مادام ذا علمك بشكل وتلوين= ابا حنيفه مد رجله ولا سال(الطائر

[منيع]

صحة الالسن
مبدعين
كل الشكر لكم
تحياتي

[الطامي]

منيع
صح بدنك
وشكرا لمرورك
لاهنت

[بنت النور]

صحت السنتكم ياشعراء الفطاحله
يعطيكم الصحه يارب
وبنتظار كحاورات جديده
تستاهل المتابعه
تحياتي وتقديري لكم

[الطامي]

بنت النور
صح بدنك
وشكرا لمرروك
لاهنتي