[ سبق صحفي قصيدة و : لعبه ] :) بيان رقم2

[مبروك بن ماضي]

رابط اللعبة :http://www.sockandawe.com/

في سبق صحفي لافت لكل لأنظار = تحدثت باسم العروبه جزمها
فرده تـبي تأخـذ من المجـرم الـثـار = واخرى تعبر عن مشاعر المها
لولاه دنق ثـم حنى جسمه يسار = كانه على الوجه القبيح استلمها
لكنها لاشك صابته بالعار= وتحدت امريكا وهزت علمها
والكل شاف اللي عـلى التلفزه صار = توديع غازي للحقايب حزمها
تسلم يمين المنتظر حامي الدار = وانعم بجزمه ثائره نحترمها
وصلت الى عشره ملايين دولار= ويقول لا عطها ثمنها وسمها
بسطار غالي حطم ارقام الاسعار = لانه رعب جورج ونفسه هزمها
وياليته ألا خلف بوجهه آثار = وابرد كبود نفوس حره ظلمها
شن الحرب على العرب سر وجهار= وياكم وكم روحٍ بريه اعدمها
جاروقسى رمّل نساء يتم صغار = دنس بيوت المسلمين وهدمها
خاب وخسر انه يظن يقتل إكبار = امة أبيه تفتخر في قيمها

[الطامي]

مبروك بن ماضي
صح السانك اخي
وافي دائما
لاهنت على الأبداع المتميز
وشكرا لك على الرابط

[عذب القوافي]

صح لسانك أبوفيصل

شاعرموقف لله درك

والجزمه كرمت عملت مالم تعمل جيوش عربيه

تقديري ,,,,,,

[حوريه]

مبروك بن ماضي
صح لساااانـكـ مليووون ولااا يكفووون
ابـدااع وتـألـق كما عـرفناااك
دااام نـبضكـ وحـرفكـ

الغالي / مبروك بن ماضي


شاعر حدث جزل


يتحدث بلسان الكل


لاهنت لاهنت


صح لسانك مــدد


ولاخلآ ولا عدم

[عبدالله الشويمان]

صح السانك يا اخ مبروك

قصيده رائعه

لا هنت اخوي لا هنت

[محمد عبدالله البدراني]

العزيز الغالي مبروك بن ماضي سلمه الله


مليون صح السانك وعلا شانك


لاهنت يابو فيصل


واللعبه جميله تشكر عليها


ولافض فووووووووك


تحيتي

[نجم الإبداع]

صح لسانك يامبروك

مسايره للاحداث راقيه

لاهنت يالجزل

تقبل مروري

وودي

[داعي الشوق]

صح لسانك يالشاعر مبروك

مميز دائما بكل ما هو رائع وجميل

تعبير إبتعد عن التكلف و تميز بالوضوح و الروعة

صح لسانك مع التحية لك

،،،،،،،،،،،،

[عايض المقاطي]

صح لسانك يا مبروك .. رائعه